عالم البنات النسائي كل ما يخص المرأة العربية من ازياء وجمال والحياة الزوجية والمطبخ
غبت عن المنتدى لـ فتره طويله
لكن صار لي سنه تقريبا مسافره وبكندا
وكنتيجه دراسه وهمها
الاهتمام بحالي صار صفر
قبل كنت وحده ماعندها مشاكل واستغرب من اي وحده تقول عندها سواد بركبها او اباط
ودايم اقول قله عنايه
جيت وماعاد عندي وقت
من اول كم شهر الركب بدت تغمق
اذا ارجع احط كريمات و و يخف
بس وين ركب قبل الي نفس اللون وماتعرفي وين الركبه ماعادت موجوده
وتجي المصيبه الاكبر
بطلت حلاوه فالاباط كمان صار فحم
واني بديت ليزر فما يمدي اصلا ارجع للواكس
ادري تبوا ادخل بالموضوع
بس حبيت ابين الظروف عشان احطكم بالصوره
بيوم من الايام كنت بالسوبر ماركت وشفت الحلو
زيت فيتامين E pure
زيت الفيتامين صافي نفس الزيت
وكنت قاريه عنه من قبل لبشره الوجه
فقلت يابنت اشتريه نشوف
شريته وماحبيته بوجهي لانه شوي لزج
قمت قلت نحطه بالركب
في البدايه اللملمس مو حلو مره فيه لزوجه
بس نص ساعه بس
وتشوفي نعومه ماعمري شفتها
حتى مع ايام قبل حلاوه وكريمات
ماعمرها ركبي كان ملمسها كذا
فقمت حطيت الزيت مره ثانيه قبل مانام
وصحيت واو
والاحلى اللون من اول ماصحيت حسيته فتح
استمريت استخدمه ثلاث ايام بمعدل مرتين يوميا
مجرد تحطيه وتنسيه
وماخلصت الثلاث ايام الا وخلاص اللون متساوي والملمس ولا احلى
ووقفت لان العلبه صغيره وتخلص ماحبيت اخلصها واستمر عليه
وحقرت وظليت بس ارطب الركب لاترجع وماشيه تمام
وحلو كـ حل لاي وحده عندها مناسبه وتبي حل سريع
من يومين كنت بمواقع اجنبيه واقرا عن سواد الاباط
كان من بين الاقتراح هالزيت
فبما ان عندي
قلت خل اجربه
وامس اول يوم اجربه حطيته مرتين
واليوم صحيت خل نقول نسبه 50 % من السواد راحت
فـ ناويه اكمل عليه
بس حبيت افيد بتجربتي
لان موضوع كثير يعانوا منه
ويستخدموا كريمات اضرارها اكثر من فوايدها
الزيت انا حصلته بصيدليه مادري عن صيدليات السعوديه وين
بس كاني سمعت الجي ان سي يبيعه
بس اتوقع غالي عنده شوفوا اذا تحصلوه بالصيدليات
هاي صوره من النت لزيت يختلف عن ماركه الي عندي بس ماظنتي تختلف النتيجه
اهم شي اخذوه صافي ماوياه اضافات
ويكون لونه كذا شفاف على اصفر ولزج
ومفروض يفي بالغرض
والي يفيد معها مابي منها الا دعوه بظهر الغيب لي ولوالديني
وفي الاخير الموضوع نزلته عشان حابه افيد غيري
ولاتخسروا فلوس
ولا تعب وخلطات
وبتركه مفتوح لتجاربكم
انا هاي المنطقتين الي كنت اعاني منهم
واعتقد راح ينفع مع اي منطقه ثانيه
وهو زيت فيتامين فما راح يضر كله فيتامين
