عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاتة
اخواتي ما اعرف من فين ابدا معاكم
بس انا عمري 19 ومتزوجه من رجل اعشقه الا حد الجنون
واتزوجنا لينا تقريبا سبعه اشهر
وحامل في اواخر السادس
المشكلة
اني من فترة سرت اتمشكل معاه
افتعل مشاكل من اشياء بسيطة اكبرها ما اعرف ليش
الموهيم
قبل اسبوع وكم يوم
وحده قالتلي اقراي البقرة
والله من غير مبالغه اتوضيت
ومسكت القران
قرات اول عشرة ايات وما قدرت اكمل
الم في راسي شدييييييييييد
ناحية الجبهه واجناب الراس
واعرق مع انوا الجو في الغرفه كان بارد
وتنميل موطبيعي في يدي اليمين
ما قدرت اكمل
قلت ممكن الام حمل
طبعا لاحظت نفسي سرت الضلاه اضليها وانا مضايقه
احس اني ما ابغا اضلي ما اعرف ليش
ولمن زوجي يقرا قران اضاااااااااااااااااايق
ما ابغا يقرا وعلى طول اعرق
ويدي تنمل ويجيني نفس الضداع
انا عندي ساعه الفجر
لمن تادن ما اعرف ليش اقوم واقفلها
مع اني كنت احبها تادن
وقبل فترة يمكن شهر
حلمت انوا في بسة سودا دخلت بيتي وشكلها يخوف وتطالع فيا
يابنات والله مو عارفه ايش اسوي
😥
قسما بالله سرت اخاف من نفسي
ليش كدا باسوي او يسير فيا ما اعرف
😈
وخايفه اروح لاحد يقرا عليا
والله يا بنات اني حاتجنن
ارجوكم لا تدخلوا الموضوع وتطلعوا
انافحاجتكم
ومتأمله فيكم خير
ياريت الي تعرف تدلني
واللي ما تعرف ما اطلبها المستحيل كل اللي اطلبوا منها دعوة
وجزاكم الله خير
