عالم البنات النسائي كل ما يخص المرأة العربية من ازياء وجمال والحياة الزوجية والمطبخ
حبيباتي انا قريت خلطه ينحط فيها المحلب مع الحنه وطريقته انك تطحنين المحلب وتحطينه مع الحنه
بس يوم نقع المحلب المطحون في الحنه انتفخت حباته وجنني وانا اغسله بصعوبه يروح من الشعر متعلق بشعري!!
هل أقدر انقع المحلب في ماي حار واخذ مايه واعجن فيه الحنه؟؟؟
وقريت هنا في المنتدى وصفات يؤخذ ماي منقع فيه محلب ويمشط فيه الشعر
هل ننقع المحلب في ماي حار ولما يبرد نستخدمه ولا نحطه في ماي عادي؟؟
ولكم جزيل الشكر حبيباتي
إي صح الخلطه اللي جربتها هي:
حناء مطحون على حسب طول الشعر
فنجال محلب مطحون
فنجال حبة سوداء مطحونه
ملعقة كبيره مسمار مطحون
ملعقة كبيرة قرفة مطحونه
نص علبة زبادي
ملعقة كبيرة خل تفاح او خل عادي
فنجال من أي زيت ويفضل زيت زيتون او خروع او جوز الهند
فنجال عسل+بيضة وحده
الطريقه:
نعجن الحناء بماء دافي مايل للحرارة ثم نضيف باقي المقادير ونتركها تتخمر عالاقل ساعة
او من الليل الى الصبح بس لاتزيد مدة تخمرها عن 8 ساعات
توضع على الشعر ثم يلف الشعر بكيس او اي شي مشابه ثم تحطين فوقه شيله يترك 5ساعات ثم يغسل بالشامبو
ويفضل تزييت الشعر بعد يوم او يومين
مااذكر من وين أخذت الخلطه بس انا كاتبتها عندي في ورقه وكاتبه تحت ان صاحبة الخلطة تقول ادعولي
ههههههههههه لازم اكتب عشان كل مااستخدمت الخلطة اتذكر اني ادعي لها:(
بصراحه اللي يحبون الخير للناس مايستاهلون إلا كل خير
جزاها الله عني خير الجزاء الله يوفقها ويسعدها ويحقق امنياتها يارب هي وكل وحده ترد على موضوعي وتساعدني
لاني ودي استمر عالخلطه بس مولاقيه حل لموضوع المحلب يقوم شعري يتساقط بزياده وانا امشط فيه احاول انزل المحلب منه
وبالذات ان الشعر رطب
