سؤال .. مدارس حي النسيم بنات ؟؟

السلام عليكم ورحمة الله وبركاته …
مشاركتي في المنتدى قليلة جدا .. أسفه .. الدنيا مشاغل ..
كل عام وأنتم بخير …
أخواتي عندي سؤال ياااااريت أحصل إجابة عليه
ربي يسعد كل وحدة تجاوبني ..
زي ما إنتو عارفين اليوم أول يوم دراسة ..
وبنتي سنة أولى ابتدائي ( ربي يوفقها )
طوال سنوات دراستها اللي فاتت ( روضة وتمهيدي ) كانت عندي
وكنت مسؤولة عن دراستها وذهابها وإيابها من المدرسة ..
بس من هذي السنة أصر أبوها إنها تصير عنده وما علمني اسم المدرسة
حابة أعرف أسماء مدارس حي النسيم ابتدائي بنات حكومي بجدة ..
وياريت أرقام هواتف عشان أقدر أعرف بنتي في اي مدرسة
واسم معلمتها ويصير فيه تواصل بيني وبين المعلمة
عشان أعرف حال بنتي ونفسيتها ومذاكرتها …
يعطيكم العااااافية …