ساااعدو >>>>>اخوي

تردد اكتب الموضوع بالقسم هذا لكن لحظة انو هالقسم يمرو عليه اغلب الفراشات
يمكن وحده تقدر تساعدني وتجد ضالتي

اولا ابقولكم سالفتي
انا عندي اخ عمره 30 سنه معاق وعنده صرع الحمدالله على كل حال هو حالياً ياكل علاج الصرع
ومنتضم مع الدكتور حقه بالمواعيد
وبعض الاحيان تجيه نوبات الصرع لكن الحمدالله البيت يكون فيه شباب يساعدون امي علشان يهدونه
امي اول كانت متحمله صرعه لانه صغير وتقدر تمسكه لكن الحين رجال كبير وامي ماتقدرله لحالها

انا الي خلاني اكتب الموضوع انو قبل اسبوع امي راحت السوق وماكان فيه بالبيت إلا انا وخواتي الصغار
وفجئه انصرع اخوي وهنا تثبتت في مكاني مادري وش لون اتصرف هو كبير ورجال عنده قوه مشاءالله
لكن انا نحيله وناااعمه بدفشه يمكن يطيرني وجلسة اضرب صدري وش اسوي وش اسوي
لكن الحمدالله اختي راحت بالحوش بتشوف فيه احد من العيال والحمدالله لقت اخوي توووه داخل
وتدارك الموقف الحمدالله وهداه

وهنا سويت مع امي جلسه قلت لاازم نعالجه
اخوي قبل كذا سأل الدكتور تبع اخوي قال ايه فيه عمليه للصرع بمصر لكن صعبه اشوي
واصلن من شرح لمي طريقة العمليه امي خافت على اخوي لانهم يفتحون راسه وامي قالت لا

ويوم سالت امي عن حالة اخوي كيف جاه الصرع قالت يوم انه صغير كان حلو مشاءالله وابيض وشعره طويل
وجت حرمه عند امي ماتحمل وشافت اخوي وصار موقف بس امي عيييت تقولي ايها
لكن اتضح لي ان اخوي جته عين وهو صغير سببت له حراره فضيييييعه تسببت في الي صارله 😎

وبعد انا الاحض انو اخوي اذا جاه الصرع احسه موطبيعي يعني يتكلم كانه مو هو يتكلم واذا امي قرت عليه او احد من اخواني يتلفظ الفاظ موزينه كانه موهو واحس ان الصرع الي فيه روحي مو عضوي