عالم البنات النسائي كل ما يخص المرأة العربية من ازياء وجمال والحياة الزوجية والمطبخ
أنا مخطوبة من فترة وبفضل الله بحب خطيبي ولكن مشكلتي اني خايفة من كتب الكتاب جدا
والله مكسوفة من نفسي وأنا أقولها بس نفسي أسمع منكم تحليل للموقف وحل ؟
أمي متزوجة رجل آخر لان والدي متوفي وهو رجل فاضل وهي كمان وكمان خطيبي
لكن هي منتقبة وبالتالي ما تبان على خطيبي طبعا
من فترة طلبت مني نعقد علشان تقدر تقعد مع خطيبي براحتها وكمان هو يدخل ويطلع علينا براحته
هو كمان وهي ساعات بيتكلموا فى التليفون ويتمازحوا بطريقة بتغضبني كتير وكتير قلتلها وهي طبعا بتسخر مني جدا
وتقعد تقوللي انتى بتغيري مني ولا ايه؟؟؟
فى الحقيقة واضح انى بغير منها فعلا ولا ايه؟؟
أنا خايفة من العقد لأن المشاكل هتزيد لأنها ناوية تقعد وتتكلم ومع الاسف بتعند فى جدا
طبعا أنا كمان زعلانة من نفسي وكيف انى بغير من أمي ؟
وكمان ان كلامها وتبسطها معاه بيجعله هو كمان ما يقدرلها قيمتها فلما تطلب منه مثلا شىء ما يخده على محمل الجد ومايقدرلها منزلتها
يعني مرة مثلا اتصل وعلى صوته عليها جامد وأنا صعقت حقيقة وطلبت منها تعمل لها مسافة وقدر عنده علشان يحترمها
وخصوصا انها مصممة تكون هي المسؤولة عن الزواج بالكامل لأنها هي اللى ربتنى ومو راضية تدخل حد من الرجال معاها
أنا زواجي ان شاء الله على شهر يوليو وكانوا عايزين العقد فى شهر مارس
طبعا خطيبي نفسه فى العقد بس أنا خايفة تحصل مشاكل وخصوصا انى مو عارفة اتحكم فى مشاعري وأحل مشكلتي مع والدتي
يمكن لأنها يعني تزوجت بعد أبويا ففي لسه مشاعر بقلبي سلبية تجاهها مع الاسف
ما أعرف ساعدوني لأني حاسة انى متناقضة وتعبانة صراحة وعاوزة حل
اللى ترد علي الله يباركلها يارب
