ساعدوني بنتي ماتاكل ولاتشرب كيف اعطيها العلاج على الجوع

السلام عليكم ورحمة الله

كيفكم ؟
انا بنتي عمرها سنتين و3 شهور
لها اسبوع تعبانه عندها كحه وبلغم وحرارة وصارت ماتاكل ولاتشرب واذا غصبناها على الاكل تستفرغ كل اللي ببطنها
وديتها للمستوصف واعطوها مضاد حيوي لونه برتقالي وخافض للحرارة
المهم صارت ماتاخذ الدواء وتبكي وحتى الاكل ماعاد تأكل ولاتشري لامويه ولا حليب ولا عصير ولا شي بس نايمه ومنسدحه
وديتها امس للمستشفى سوو لها تحاليل قالوا عندها البلغم نزل على الصدر واعطوها مغذية لمدة 3 ساعات وبعدين الدكتورة قالت خليها تكمل المضاد 5 ايام واستمر على خافض الحراره واعطتني شراب قبل الاكل بربع ساعه عشان التطريش والا ستفراغ
ومن يوم ماخرجت من المستشفى ماتاكل ولاتشرب جيناها بالطيب مانفع قام ابوها يغصبها على الاكل مو راضيه
قام ضربها وشربها الحليب وشوية شوربه واعطاها العلاج والله للحين علامات ضرب ابوها على وجهها:( حزنتني وهو بعد ماضربها حزن عليها وقعد يبكي بس وش نسوي نخليها تموت من الجوع والا نعطيها العلاج على جوع
الحين ابغى حل كيف اخليها تاكل وتشرب وتشرب العلاج حاولنا بالتشجيع مافاد وبالضرب مافاد ايش نسوي
والله تعبنا نفسيا منها 😆 hy: ايش الحل..؟؟ الحين بس منسدحه لاتلعب ولاتهرج ولاتتحرك ولاتاكل ولا شي ونفسها مسدووووووودة عن كل شي وصار عندها جفاف…