ساعدوني تكفون الله يفرج هم كل وحده تساعدني وتدعيلي

كل عام وانتم بخير وصحه وسلامه

كيفكم بنات

ماابي اطول عليكم انا كنت مشاركه بهالقسم وخاصه بموضوع المتفائلات
وانقطعت لظروف قويه ومن ضمنهاا صحتي النفسيه تدهورت

والحمدالله ربي فرجها علي وتملكت ومتملكه
لي تقريبا 6 شهور بس يابنات بعد ملكتي بنفس اليوم طلعت من خطيبي

عايفته ومااابيه ❗ بدون سبب قوي رغم اني اول مااخطبني كنت عارفه عنه كل شي

عارفه انه مطلق وعارفه عنه اشياء كثيره بس مدري ليش بعد الملكه وبعد ماجلست معه

مااقدرت ارتاح رغم انه ماتكلم الا شي بسيط مو عارفه ليش ضاقت علي الدنيا

تعبت نفسيتي كثير وجلست اصيح طول اليوم جاني ابوي وامي واسالوني وش صار وش فيني

قمت اخربط وبس اصيح وكل اللي قلته ماابيه

وابوي الحمدالله واقف معي على طول بعدها بيومين كلمهم وقالهم البنت نفسيتهاا تعبانه ومن طلعت منه وهي تعبانه وماتبيه وماندري شفيه وكل اللي تبيه تبي تنفصل
الولد يابنات مو راضي يطلقني يبيني وحبني من شافني بالشوفه الشرعيه وهو مصمم علي بنات انا كل هالشهور السته نفسيتي تعبانه

بنات مدري وش احس فيه من داخلي ابيه وبعقلي ماابيه احترت وتعبت خايفه اطلق واندم وخايفه اخذه اندم وش اسوي والله احترت وتعبت
هاليومين اكلم امي بالموضوع تقولي خلاص مادمك تحسين تبيه وماتبينه خلاص شيليه من بالك وربي يعوضك بااحسن منه
بس قلتلها شوفي ابوي وش يقول قالت ابوك ماايبي الا راحتك اذا تبيه بيوافق واذا لا بيقول لا
قلتلها خلي ابوي يجلس معه اكثر ويعرفه اكثر

خطيبي مطلق وبنفس الوقت فيه حاله وهي حالة العزله عن الجمعات مع الشباب وهذا شي عادي وكنت اعرف عنه هالشي من يوم خطبني بس
مدري شفيني انقلبت بعد ماتملكت

تعبت ونفسيتي يوم عن يوم تتعب خواتي كلهم رافضينه وشايفينه انه مايصلح وخواني بعد ابوي مافي ردة فعل يقول انتي اللي تبين تعيشين معه صادق بس مو عارفه كيف اقرر كل يوم اصيح بقلبي موقادره اصيح بالبيت ماابي اضيق صدر اهلي يكفي اول شهر تعبت وتعبتهم معي
بس انا مهمومه ومحتااره ساعدوني وش اسوي مره ابيه ومره ماابيه خايفه اصمم على الطلاق واندم وخايفه اتزوجه واندم رغم اني مو صغيره يابنات دخلت 29
صحيح العمر مو مهم وانا مومنه بالله لو اجلس الى خمسين اللي الله كاتبه راح يصير سوا تزوجت الحين او بعدين مو خايفه من هالشي راضيه باللي الله يكتبه فيني