عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بصراحه يا بنات انا جديده بالمنتدى وعندي ملاحظه صغيره لفتت نظري
وهي حب المساعده للغير وتقديم المشوره للي تطلبها وهذا شي جميل
ان نجد ناس كثيره فيها الخير في زمن نادر ما تلاقي فيه حب حقيقي
او تقديم مساعده للغير الا لمصلحه مشتركه
اسال الله العظيم ان يبارك للاخوات اللي ما تقصر في حق خواتها الاخريات
واسال الله ان يبارك لهم في ازواجهم وابنائهم وان يجعل ايامهم سرور
وراحه بال 
خواتي عندي كم سوال كنت سالتهم للاخت روبي لكن يبدو ان الاخت ما
تدخل المنتدى كثير فقلت اتوكل على الله واسال خواتي بالمنتدى
انا شريت حليب الصويا من الجمعيات اللي عندنا بالدوحه لقيت سعره 6
وفي نوع ثاني ب 16 ريال وطبعا مكتوب انه يحتوي على فول الصويا وماء وووو
المهم ما ادري اي واحد اشتري اذا في عند وحده فيكم صوره له ياليت تحطه او تكتب اسمه بالانجليزي والعربي
وهل شرط ان اشربه على الريق وقبل النوم لانه تعرفون احنا بالصيف
ونسهر للصبح وبعدين ننام
واحيانا ما انام وسوالي بالنسبه لحالتي اي وقت اشربه
واخر سوال انتو عارفين سبب سوالي عن حليب الصويا علشان الصدر
لازم البس السنتيانه للصدر طول اليوم ولا كيف 😛 😡
