عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته .
اخواتي الحبيبات طفلي واللي عمره شهر ونصف تقريبا عسى الله يحفظه ويخليه لي يارب ياكريم كان يشتكي منذ ولادته من الغازات والتقليص الخفيف في ثالث يوم من ولادته عرضته على طبيب اطفال غير له الحليب كان بيبلاك وغيره ل برميم كير وبصراحة ماادري ليش ماتقبلت الحليب هذا ابدااااااااااااااا.. 😡
فانا باسألكم هل اللي يصير لولدي هذا عادي وطبيعي وإلا الحليب ماناسبه ؟؟
اولا الغازات مثل ماهي ماخفت ابدا احيانا والله ولدي من قوتها يتحقرص وهويرضع .. 😛
ثانيا التقليص زي ماهو واحيانا الكمية تصير اكثر شوي ..
ثالثا شكل الحليب مو عاجبني خاصة هالحين مع البرد مع ان الرضعة اعطيها اياه دافية إلا ان الحليب احسه يصير كتل كأنه ينفصل عن الماء لازم كل شوي اخضه ..لاتقولون مااخضه زين إلا اخضه لحد مااتعب .. 😳
رابعا وهو الأهم : إن ولدي يتبرز اعزكم الله من مرة إلى مرتين في اليوم فقط واحيانا نادرة ثلاث مرات بس اغلب المرات مرة واحدة .. هل تعتقدون ان فيه امساك وإلا هذا طبيعي …;)
بالنسبة لصحته عاديه ولله الحمد يعني لاهو سمين ولاهو نحيف وهذا الشي الوحيد اللي مخليني اصبر على هالحليب انا مايهمني ولدي يصير دبدوب اهم شي حليب ينفعه الصحة يعني وبس 😐
تكفووووووووون ردوا علي ضروري الله يخليكم والله ان ولدي احيانا مايخليني انام واحسه يتعذب لما يرضع ..
والمهم وش الحليب اللي تنصحوني فيه …
عندي خيارين من خلال بحثي بالنت لقيت افضلهم :
بلميل بلس او نان … وش رايكم
آسفة طولت عليكم بس والله عذاب انا وولدي … 😎
