عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم … بنات انا بنتي عمرها تسعه شهور لسه ماتجلس زين ،،تجلس خمس دقائق عشر دقائق بعدين ترمي ظهرها وراء !! مدري وش اسوي فيها لدرجه اخاف اروح واخليها وهي جالسه لازم اضع خلفها مخده او بطانيه علشان اذا طاحت مايصير لها شي(مدري متى تجلس زين)
ولسه ماتحبي ،،واسنانه توها باديه تطلع وكل الي في عمرها لهم شهرين واكثر طالعه مدري وش السبب ؟
وبسألكم وش اطعميها غير ارز والفواكه ولاتقولون طعميها خضروات لاني عجزت فيها ماهي راضيه تاكله
وش رايكم اعطيها مهلبيه او نشا هل هو زين او يضرها في هل عمر وكيف اسويه وكيف اعطيها
وعلى فكره بنتي دائما يجيها امساك تجلس يوم او يومين او ثلاثه ثم تتبرز الله يكرمكم بس قوامه مو يابس مره نص ونص (الله يكرمكم ) علشان كذا اخاف اعطيه اي شي
وش رايكم وش اسوي ساعدوني الله يجزاك الف خير
