ساعدوني ولو بدعاء بس لاقولي حل عاوزة الاقي نفسي

انا اخدت دبلوم ثانوي تجاري
وبعدها محستش ان ده الى انا عاوزاه كان نفسي ادخل ثانوي زي اخواتي دخلت ثانوي تجاري يعني اقل منهم لاني مكنتش مجتهده
كنت بعطي فى حضانه اطفال وبعطي دروس خصوصي للاطفال والحمدلله اجتهد فيها مع اني
كان معايا دبلوم بس
حبيت اني اكمل ملقتش غير معاهد خايبه ولقيت فرصه قدامي افضل معهد
معهد اعداد دعاه
هو كان اربع سنين اتجوزت وانا فى تانيه وكنت حامل ايام الامتحانات
مقدرتش امتحن وبالتالي مكملتش لاني مقدرش اروح من بنتي

اتفقت انا وصديقه ليا اني افتح محل متواضع ملابس ولانجيري وفعلا فتحنا فتره وبعدين خسر فقفلنا

مرت السنين وامازالت واقفه عند نفس السلم مطلعتش ولا خطوه اتعلمت تصميم الجرافيك
بقالي 8 سنين عندي خبره فيه لكني للاسف مش محترفه لاني مخدتش دورات
لاني ظروفي لا تسمح بدفع مبالغ باهظه فى الفتره دي لدورات تصميم وفى الاخر مش هالاقي شغل كالعاده
عملت تصميمات كتير عجبت ناس وناس انتقدوني
سافرت مع زوجي السعوديه
عاوزة اشتغل لان ظروفنا الماديه مش ولابد
مش عارفه اشتغل ايه ياست ده انا حتى فكرت اقدم فى جامعه مفتوحه وبعد ماروحت جه ميعاد سافري فوقفت كل شئ عشان الظروف الماديه
بقالي تلات سنين بحاول ادخل الجامعه كل ماجهز نفسي الماديات تعجزني فارجع معملش حاجه
فكرت اني اتعلم فن التجميل واشتغل فى مشغل هنا بالسعوديه
وكتر خيرها اخت اتعرفت عليها من المنتدى قالت لي هاتعلمني لحد ماشتغل وبعدين اعطي لها حساب تعليمها ليا

لكن هارجع واقول مش عارفه اطلع ولا سلمه عندي مواهب بحب اكتب مقالات بحب اكتب شعر واشتغلت نسيت اقولكم من تلات سنين فى جريده صحفيه كمان وكنت بكتب لكن جريده من غير مرتبات
ااااااااااااااااااااااه

دلوقتي الى محيرني
لا تصميم جرافيك نافع
ولا كتابه شعر لاقيا حد ينميها
ولا جريده نافع
ولا معهد كملت
ولا كليه دخلت
ولا تجميل اتعلمت