ساعدووني قبل ما انجن,,,,ممكن يطلقني اليوم

مشكلة اليوم بلشت من امبارحة لما طلب مني طلب غريب جدا
بعثلي رسالة اس ام اس و طلب مني فيها اني امسح كل رسايلو الواردة انا طبعا استغربت و صرت ابعثلو رسايل و اسالو ليش و شو في و شو صار انتو بتعرفو قلب البنت لما يحس انو في شي مش مضبوط
المهم بعد شي ساعتين اتصل علي و حكالي ليش عصبتي هالشي من صالحي و صالحك انا والله خايف يشوف واحد منم اخوانك الرسايل
انا استغربت و قلتلو طيب و لو شافوهم مو انت زوجي على سنة الله و رسولو مو باقي غير العرس و الدخلة
و بعدين انا حاطة كود لجهازي و اخواني محترمين خصوصيتي
المهم باسلوبو الخاص اقنعني و وافقت انا مع انو كل رسايلو الي فيهم ذكريات
اليوم قلتلو عندي حل قلتلو شو رايك انقلهم على دفتر و امحيهم من الجهاز قام عصب و حكالي ما هو نفس الشي و اذا بدك تعملي هيك خليهم عهالجهاز لكان احسن و مدري شو
و لما قلتلو ليش جاوبني جواب جنني و قالي ما بدي اخلي دليل
طيب دليل على ايش ليش نحنا منسرق لا سمح الله؟؟و لسة ما كملت كلامي الا و الاقي ابو الشباب قافب الخط في وجهي و باعثلي رسالة انتي بتخلقي مشاكل و بعدين بتقولي انت ظلمتني و رجاءا لا تتصلين علي

لما شافت اختي حالتي دقت عليه و حكت معو و اتصورو ايش قالها
قاللها انو الي بيني و بين اختك خلص هي اللي خربت بيتها بايدها و عقلاتها صغار مليت و انا كل مرة افهمها
اختي طبعا عاقلة و رزينة حاولت تقنعو بس بدون فايدة و طبعا هي بتعرف اطباعو الحادة فقالتلو ممكن انت بس لانو معصب و من ضغط الشغل رديت غضبك على فرح انت جرب بس حاكيها و اتفاهمو…..فرح اللي هي انا حنين طبعا
المهم قاللها بتتصوري اللها علم يمكن بس انا ما راح احسن احكي معها اليوم مستحيل و قوليلها بلكي الله يجيبلك عريس احسن مني يفهمك