عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
حبيباتي بقولكم مشكلة بنت اختي من اسبوع صارت بينها وبين زوجها مشكله تافهه وهم من زمان كثيره مشاكلهم بس كان يرجع ويعتذر ويرجعون لبعض اما اخر هوشه بينهم قالها البسي عبايتك اوديك لاهلك وطلع برا ولما لبست عبايتها دخل البيت وقالها لا ماتروحين اتصلي على اهلك يجون يأخذونك وهي رفضت قالت لا انت توديني ومارضى بعدين طلعت هي بالحوش ولحقها ووقف على الباب وماخلاها تطلع بعدين قالها ادخلي جوا عشان بطلقك قالت طلقني هنا كله واحد وراح دخل وجاب صورتها وقال روحي انتي طالق طالق طالق
وطلعت هي وولدها بالشارع وطلع هو بسيارته
المهم انه نقل لشقته ببيت اهله شقه منفصله وقال لابوها روحو خذوو اغراض بنتكم لاني بسلم الشقه
واخذت اغراضها
بعدين ارسلها وقال اذا بترجعين بتعيشين معاي بالشقه اللي عند اهله
وهي ارسلتله وقالت بشرووط يعطيها رضاوه 10000ريال ويزيد مصروفها وبعد مايخلص قرضه يطلع بشقه
المهم انه رد عليها وقال امكانياتي ماتسمح والمصروف ماراح ازيده
وقال انها وحده ماديه؟؟؟وللعلم طول هالاسبوع ماحط مصروف لولده
وقال انه ورقتها بتجيها هاليومين
وردت عليه وقالت انها بانتظار ورقتها باسرع وقت
وللعلم يابنات هي من يوم الملكه وهي مو متقبلته بس هي تفكر بولدها واهلها ماشاء الله مو مقصرين معاها
وش تنصحونها الله يوفقكم 😥
عن ranya95
شاهد أيضاً
يارب فرج هم كل من تدخل موضوعي ( هموم تتكاف من كل صوب )
السلام عليكم .. هذا اول موضوع احطه في هالقسم .. بس تاكدو اني على طول …