عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم خواتي الفراشات
كيف حالكم عساكم بخير ان شاء الله ؟
والله لو اني ماني عارفة انكم طيبات واني مالي غيركم اشكي له وافضفض له ما طرحت موضوعي هنا ..
وعشان اخذ بكلامكم ونصايحكم وتجاربكم الشخصية لما لكم من خبرة في الحياة والزواج
انا مشكلتي مع زوجي صار له مسافر اسبوعين تقريباً مع اصدقائه وهو قبل لا يسافر كنا متزاعلين من حاجه تافهة حصلت بيننا وهو خذاها بحساسية اكثر وانا كمان وظلينا 6 ايام تقريباً ما نكلم بعض .. والحمدلله هو راضاني قبل ما يسافر وقالي انا ما اقدر اسافر وانتي زعلانه اني والله اذا مارضيتي علي منيب مسافر معاهم وتصالحنا
المهم انه قبل لا يسافر كان في الشغل ولازم يطلع الساعه 9 عشان يروح بيت واحد من اصدقائه عشان يمشي معاهم للمطار الساعه 2 ..
وانا كلمت عليه الساعه 8 ونص قالي انا في الشغل لما اطلع بكلم عليك قلت له طيب وسكرت وراحت علي نومة وصحيت الساعه 2 وشوي وتميت مفوجعة وفكرت انه اتصل وانا ما ادري
وعلى طول رحت اشوف جوالي بس للأسف ولا مسكول ولا مسج يجبر بخاطري .. الله كريم
وبعدها على طول كلمت عليه من تلفون البيت وقلت له ليه لحين ما مشيت قالي تأخرت السفرة لي الساعه 3 قلت ليه طيب ليه ما كلمت علي قالي يعني تبغيني اكلم عليك .. طيب روحي الغرفة وانا اكلم عليك الحين على الجوال قلت له لا ما يحتاج هالمكالمة تكفي وانا من داخلي منكسر خاطري من هالتصرف وخصوصا انه احنا كنا متزاعلين توقعته لما يطلع من الشغل يكلم علي ونكلم كلام رومنسي ونودع بعض وخصوصاً اني ما راح اكلمه 3 اسابيع يعني راح يوحشني مووووت ..
بس هذي طنشتها وقلت الغايب عذره معاه وانه بسافر واكيد مشغول وما نسيت انه معاه اصحابه يمكن ما قدر يكلم علي وهو معاهم
وفي هالمكالمه قالي انا بكلم عليك بعد شووي قلت له طيب وظليت انتظر هالاتصال وما كلم علي الا يوم ثاني
وانا طول هاليوم انتظر !! حرام عليك حس فيني
واول ما كلم علي جلست ابكي هو يفكرني ابكي عشانه سافر عني وجلس يهدي فيني ولكن انا ابكي من القهر انا ما تعودت كذا على هالتصرفات من زوجي .. زوجي يحبني ولا عمرة تصرف معي كذا يعني تغير معاملة شخص غالي عليك صعبة حيل والله ..
وكمان طنشت هالشي
والشي الثالث انه هناك ما يكلم علي ابداً اسبوعين ما كلم علي الا مرتين
ومده المكالمه الاولى 5 دقايق ومده المكالمه الثانيه 2 دقيقه فقط !!
وانا مقدره هالشي انه الانسان في سفر واكيد ما راح يكون عنده رصيد كافي انه يكلمني وكذا .. بس انا كنت اكلم عليه وما يرد علي تقريباً 14 مسكول ومن بعدها يرد حضرته وبكل برود كان الجوال سايلنت .. كنت نايم .. ما كنت موجود .. بس عشان يصرفني وبسرعة يبغى يسكر من عندي يقولي سكري عشان ما يخلص رصيدي وتقدري تتصلي فيني مرة ثانية واقوله طيب واسكر مع انه ماودي بس مو بإيدي والله
وهو ما يتعب نفسه ياحليله ويكلمني من مخابرات دولية اكيد موجود بكل بلد !!
او يرسل لي مسج يطمني على احواله ويسأل عن احوالي .. والله انه من قهري لما رفع الجوال لا سلام وكلام
على طول قلت له انت الواحد يموت ويندفن وانت ما تدري عنه .. يقولي بسم الله عليك وش هالكلام وش فيك ..
اقوله مافيني شي بس خوفتني عليك ويجلس يضحك ويسوي نفسه رايق وانا ما ابين له اني زعلانة من تصرفاته او شي لاني ما ابغاه يفكر في اي حاجه ممكن تزعجه وهو مع اصحابه ابغاه يكون مبسوط ومرتاح على الآخر ولما يرجع يحلها الف حلال .. والغايب حجته معاه
والشي الرابع انه البارحة شبك بالمسنجر وانا ما كنت موجودة ومن بعدها شبكت وقالت لي اخته انه فلان شبك وتوه ماشي قبل شوي قلت لها والله قالي اي ايوه .. قلت ليه كيف حاله وكذا قالت لي بخير الحمدلله
ولا قالت لي يسلم عليك او سأل عنك .. كلمه حلوة تجبر بخاطري وتطمني عليه او رسالة على الايميل يطمني فيها
قسم بالله اني بمووت من القهر ومن الشووووق .. مدري وش اسوي لما يرجع هو باقي له اسبوع ويرجع
انا مدري كيف استقبله .. انسى الي صار كله بس بشوفته ومن بعدها نتعاتب على كل ما صار ؟؟
بس انا ما ابغى ابدأ من جهتي ابغاه هو يحس فيني ويحس انه هالتصرف ضايقني مرررة
يعني ما ودي اتجاهله ولا ودي اكون مبسوطة والارض مو سايعتني من الفرحة
لأني بصراحة بكون مبسوطة وبنفس الوقت مضايقة ومنكسر خاطري ودمعتي بعيني .. والله بس لو يقولي وش فيك انتي مضايقة من شي ؟؟ على طول تلاقيني ابكييييييييييييي
اتمنى اسمع ارائكم الحلوة ..
شاركووني همي وخففو عني .. جعله الله في ميزان حسناتكم يارب ..
