ساكنة ببيت حمولتي وإذا زرت أم زوجي تدخل غرفتي

مساء الورد
أخباركم ياحلوين
مادري شلون أبدا بسياليت تعطوني حل
آنا توني متزوجة ماصار لي شهر وساكنة مع أهل زوجي وتدرون أهل الزوج مهما طوفتي بسرعة تتضايقين من تصرفاتهم
ما أبي أطول عليكم بس المشكلة اللي مو قادرة أطوفها إن أم زوجي تدخل غرفتي إذا زرت بيت أهلي وآنا نوعي لمن كنت ببيت أهلي يعني قبل لا أتزوج كنت أقفل غرفتي لمن أطلع
وكم مرة كلمت زوجي عن هالموضوع بس ماكو فايدة
أول مرة دخلت الصالة مع الخدامة رتبتها طوفت السالفة وبلعتها ثاني مرة دخلت غرفتي ورتبتها
والمشكلة باجر زيارتي في بيت أهلي مادري أزور ولا لأ بجد ماقمت أرتاح لمن أزور بيت أهلي أزور وأحاتي غرفتي وموعارفة أطنش
شرايكم 😐