عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سالفتن تقرقع بخاطري ودي انكم تقروها 
هذي هي حواسي الخمسه 
اقدر أحركها ومايعوقني شي
اقدر استخدمها متى ماحبيت متى ما بغيت ومتى ماحتجت لها
بس يوم من الأيام ولحظه فكرت وقلت أتخيل
ايوه اتخيل وليش لا
وانتم بعد لازم تتخيلون معي
مراح ياخذ منكم مجهود ولا وقت
هي دقايق وبس
تخيلوا أنكم في دورات المياه وانتهيتو من قضاء الحاجه
وتبون تغسلون
بس انتم محرومين من أياديكم
ياترى كيف راح تغسلون لأنفسكم
يالله لك الحمد كثيرا كثيرا على نعمة الحركه من جد ماادري ويش السواه الله يعين
تخيلوا إنكم قدام شباك كبير واثنين جنبك يوصفون شكل السماء وكيف أن قطرات المطر تنزل بشكل ولااروع
ويقولون ان ذا المنظر ولااروع وكانو مبسوطين بقوه بهل المنظر
وأنت أعمى يالله قد ايش راح تنقهر
يالله لك الحمد كثيرا كثيرا على نعمة البصر
تخيلوا طيب ان ربي حارمك من كل الحواس واصبت لاقدر الله بشلل كامل
ياترى كيف راح تعيش حياتك الي تعودت عليها
اقل حاجه انك ماتقدر تهش الذبان عن وجهك وانك لا حسيت بحكه بوجهك ماراح تقدر تحك وجهك
يالله يالله لك الحمد على نعمة الحواس
عارفين إن
ربي قادر بلحظه من اللحظات يحرمك من النعم ذي
طيب قد شكرت الله على نعمة الحواس الخمس ؟؟
المشكله الكثير بيردون ويقولون لا
ياليت بيسكتون وبتوقف على انهم ماشكرو الله
لا راح يقولون احنا عصينا بنعمه عصينا
ربنا بنعمه
طيب اسئلكم بالله لو كان لك صاحب ويوم من الايام اهديتوا جوال
وفجاءه يوم من الايام اكتشفت انه يكلم اختك او زوجتك
او احد من محارمك بالله ايش راح تسوي فيه
اقل شي راح تسويه تكسر الجوال
اقل شي ممكن راح تكسرله يده ممكن تذبحه لان الجوال انت جايبه ومن مالك
طيب الله يعطينا نعم ونجازيه اننا نعصاه فيها
منهم
الي راح يقول أنا سمعت الأغاني وعصيت ربي بنعمة السمع
الي راح يقول أنا أشوف التلفزيون وأشوف فيه كل شي مخل ومناظر ولا أخس منها أنا عصيت ربي بنعمه النظر
والي راح يقول أنا سافرت براء ورحت أدور الشي الحرام رحت ادور علاقات محرمه عشان أتسلى
أنا عصيت الله بنعمة الحركه
يالله يارحمن يارحيم لك الحمد على نعمة البصر
وعلى نعمة السمع وعلى نعمة الحركه وعلى نعمة التذوق
وعلى كل النعم فلك الحمد حتى ولك الحمد إذا رضيت ولك الحمد بعد الرضى ربي اعني على استخدام حواسي واستخدام كل نعمه أنعمتها على أني أعبدك فيها
واشكرك عليهاا
ربي جنبني أن أعصاك بنعمك ربي ارحمنا برحمتك وارحم كل واحد قرأ رسالتي ذي واجعلها في موازين
حسناتي وحسنات كل واحد قرأ ذي الرسالة
آمــــــــــــــــــــين
