عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ..
صبـاح الخيــر ..
من مدة سامعة بكريمات خاصة لتبييض المنطقة الحساسة
هالكريمات مدري صراحة وين قريت عنها بمنتدانا أو منتدى نسائي آخر ..
و وديّ استخدم هالكريمات بس أبي استفسر عنها يمكن تعرفونها وتفيدوني
أو ممكن ماتعرفونها ويستفيـد منها أكبر عدد من السيدات ..
الحين بخليكم مع الموضوع الي قريته عن هالكريمات .. مثل ماقريته بالضبط ..
*****
(كريمات خاصة لتبييض الأماكن الحساسه)
الكريم اسمه Eldoquin Forte 4% cream
وهذا ماينحط لوحده تخلطينه ويا كريم ثاني اسمه Diprosalic
هم نفس شكله لازم تستمري عليهم اسبوعين متواصلين ومرة باليوم
وشرط ثانى ان ماتعرضينهم للأضاءة خلال فترة العلاج
( خخخخخخخ قلت ثبطي عظم إن طلعته للنور)
المهم وأستمر اسبوعين وانا قاااااافلة معى ما اشوف تحسن الا ببداية الاسبوع الثانى
بدت المنطقة يطلع نورها والله العظيم والله العظيم انى الى الان مو مصدقة طبعا
اللحين لى شهر المنطقة خيـــالـ
اما الكريم الأخير معجزة .. عن جد قمة النعووومه ..
وهذا المفروض يكون عند كل وحده متزوجه او بنت
لانه مو بس ينعم هم بعد نفس الحماية ..
يحافظ على هالمنطقه من الرطووووبه او الحساسية ..
وهذا الكريم اسمه Bepanthen يستعمل بعد التوقف عن الكريمات السابقه
بعد أن تبان النتيجه ولا تنسينا من الدعاء.
*****
هذا كان نص الموضوع الي شفته .. المهم أبي استفسر إذا كان أي وحده مجربه
هالكريمات أو سامعة عنها .. ياليت تفيــدنا ..
وكان فيني فضول أبي اعرف هالكريمات موجودة بالصيدلية ..
اتصلت ولقيت اسعارها كالتالي :
1/ Eldoquin Forte 4% cream
سعره 34 ريال
2/ Diprosalic
سعره 29 ريال
3/ Bepanthen
سعره 19 ريال
اسعارها في متناول الجميع ..
بس استحيت اقوله لايش هالكريمات ..!
لا تستغربون أنا زين طلعت مني الاسماء وبس .. غيره اسمحوا لي اخخخخ ! 🙂
ان شاء الله برسل حد يسألي عنهم في الصيدلية وشو منافعه وإذا كان له أي آثار جانبية ..
لحد يقول لي استخدمت اعشاب أو ملح الحليب مدري شسمه ونفع معاي ..
أنا اسأل عن كريمات طبية موجودة بالصيدلية ,,
انتظـر ردودكم يالغاليــات 😥
..
