عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم يافراشات ياحلوات ؟ ان شاء الله تكونوا مناح
مشكلتي باختصار في هالسطور
حصل لي التهاب باذني يوم السبت لانو حسيت انو شيئ جواته لكن حطيت مويا وماخرج شيئ استنيت 6 ساعات واذني وجعتني
رحت للمستشفى كشف الدكتور وقالي مافي شيئ مجرد التهاب وانا شاكه انو في جوات اذني حاجه
المهم كتبلي دواء كلها حبوب وقطرات << لاجديد
خرجت برا الغرفه استنى ابويا ,, جاء معه ورقه فيها انو لازم اخذ ابرتين وحده بالعضل والثانيه باليد
قلت له انا مافيها شيئ ليش ااخذها قالت الممرضه الملقوفه علشان الالتهاب 😎
<< ايش دخل اليد والعضل بالاذن ؟؟!! 😛
قالي ابويا تبغيها قلت طيب امرنا لله والله بس خايفه على نفسي لايلتهب اذني ولا كان يحلم الدكتور اخذها 😀
المهم دخلتني غرفه حقت تحضير يعني مو مهيئه لاخذ الابر 😆 idea:
اخذت ابرة العضل 😛 ومرت بسلام
وجات ابرة اليد
ربطت يدي بلي المحلول ,, قسم قسمات حسيت انها مقهوره ونزلت قهرها فيا بقووه شدته 😉
ابغا افهم ايش دخل اللي تربط يدي فيه من عند الكوع بس الجهه الثانيه وخلتني اشد يدي من عند الاصابع
وتحسست مكان العرق وادتني الابره
المهم جلست اشيل يدي مثل المكسوره للسياره علشان ابويا راح يجيب لي الدواء 😆
فرفرنا بالسياره ساعه من هالزحام ورجعنا البيت ويدي توجعني وسار مكان الابره لونه اخضر بس بنسبة شويا قليله
يوم عن يوم يدي توجعني واللون سار يكبر ويغمق واليوم سار لونه بننننني مرررره وممتد لكم سم من العرق وبقعه كبيره لونها بننني بينهم بقعه لونها احمر داااكن
سايره يدي مثل حقون المخدرات 😀
فابغا اعرف سبب تطور هاللون ؟ هل الابره ملوثه ؟ ام هذا شيئ طبيعي؟
وهل في اضرار على اليد ؟ بالرغم انو هذه اول مره تسير لي هالحاله
واذا كان في دواء لها ايش هو ؟ انا خايفه انو يمتد اللون ويكمل على اخر اليد
وابرة العضل برضوا سارت اليوم توجعني بالرغم انو ماحسيت فيها نهااائي ، فايش السبب؟
آآآآسفه على الاطاله 😆 hy: انتظر ردوردكم
سـو ســـو 😆 🙄
