عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته..
عساكم بخيــــر..وقلوبكم ما تشوف الضيــــــر..
..
سبحان الله..
كل ما نشوف أحــــد يشكي..
هم أو ألم أو ضيق أو تعب أو غيره وغيره من المتاعب..
نحزن معه..نتألم معه..نتضايق عشانه..وكأننا قلب واحــــــد..
..
كل ما أشوف أحد يمر جنبي أو قدامي سبحان الله لازم أناظر بعيونه..
أحس لكل إنسان قصة بحياته..
محد عايش مرتاح أبداً..
الراحـة في الجنــة وبـــــس..
ربي يقرّ عيوننا جميعاً بشوف الجنــة..
اللهم آآمـــــــــــين..
..
خواتـــــــي..
دايم أسمع وأقرأ وأشوف هموم الناس..وآلامهم..
أحس فيها..وتأثر فيني..
و إن ما قدرت أواسيهم لو بكلمة..
أعلم أن الله يريد لهم الخير..
وأرفع يداي إلى السماء وأدعي لهم بخير..
..
اللي محرومة من الذرية..
اللي ما تزوجت..
اللي مالقت وظيفة..
ووووووووو .. الخ
..
طيِّب..
هذه قصة بنت خالتي..
أكبر مني بكثير..
تخرجت وقدمت على وظيفة..معلمة في مدرسة حكومية..
ما خلَّت مكان يا خواتي..
انتظرت سنة سنتين ثلاث أربع..
ولا فيه بصيص أمل..
تضايقت بكت تألمت..
بس سبحان ربنا يا خواتي رب العالمين ما يترك أحد..
رب العالمين كاتب لكل إنسان وإنسانة رزقه في هذه الحياة..
..
هذا يا خواتي..
عندي جدي وجدتي في الجنوب..
تعرفون كبار سن..
ويبيلهم رعاية وإهتمام..
هم ما يبون يطلعون من بيتهم..وهذا من حقهم..
ما يرتاحوا إلاَّ بالديرة..
كل سنة تروح وحدة من خالاتي..
نروح في الإجازات..والعطلة الصيفية..
المهم..
قبل فترة بسيطة..
قررت بنت خالتي هذه تروح بدل أمها وتكفيها عند جدَّاني..
هي بتهتم فيهم و ترعاهم بعد الله سبحانه وتعالى..
مر يوم يومين..
حسَّت معهم براحة كبـــــــــيرة..
حتى وهي تحكي لأمي تقول و الله أحس براحة كبيرة ولا ودِّي أروح عنهم..
فجأة..
وسبحان اللي مقدر الأرزاق على خلقه..
جاء خبر تعيينها..
معلمة في مدرسة حكومية..
سبحان الله..
بعد ما نست هـ الوظيفة..وشالتها من بالها..
سبحان الله يوم راحت وارتاحت عند جدَّاني..
جاء خبر تعيينها..خبر ما خطر ببالها أبداً..
قولوا سبحان الله..
أنا قلتها من قلبي..
تدرون ليه..؟!
تذكرت حديث الرسول-صلَّى الله عليه وسلَّم-..
قال-صلَّى الله عليه وسلَّم-..
..((من بات وهمه الدنيا شتت الله شمله
وجعل فقره بين عينيه
ولم يأت له إلاَّ ماكتب له فيها..
ومن بات وهمه الآخرة
جمع الله رزقه وجعل غناه فى قلبه
وجعل الدنيا تأتيه صاغرة))..
يعني لو تركتي الدنيا ولا فكرتي فيها سبحان الله تجيك ركض..
أمَّا لو صحيتي وجلّ همك الدنيا وطلبها..تنفر منك..
..
وسبحان الله يا بنات..
ربي عطاها على قد نيتها..
صفَّت نيتها..وريِّحت قلبها..وكان أملها بـالله كبير..
أرضت والديها..وتعنَّت لعيون أمها..
وجاها ما تمنَّت..
سبحان ربنا يا خواتي..
و الله لو تضيق فيكم الدنيا..
تتعبون..تتألمون..تبكون..تتضايقون..تغتمون..
لو أيش ما يصير فيكم..
تأكدوا إن ربكم أكبر من الدنيا ومافيها..
قولوا يا هم ربي كبير..ولا تقولوا يارب همي كبير..
..
صفَّوا النية..
وارضوا والديكم..
صدقوني..
ما يسكن القلب الواثق برب العالمين أي ضيقة..
دام ربي في عالي سماه..سكن قلبك..واستعمره..
راح تحسين براحة..
يغبطك عليها الجميع..
نعم..
من بات و همه الآخرة..
أتته الدنيا ركضاً..
ومن بات وهمه الدنيا..
نفرت منه..
سبحان موزِّع الأرزاق..
سبحان ربي في عالي سماه..
..
في النهاية..
هذه القصة اللي صارت لبنت خالتي..
فيها من الفوايــــــد كثير..
الأمل بـالله..
الثقة بـالله..
الصبر..
رضا الوالدين..
عدم الجزع أو الضيق من الدنيا..
ولها سادس وسابع وثامن وتاسع وعاشر..
بس أخليها لكم أنتم..
انتوا يا خواتي..
طلعوا الفوايد الجمَّة من تلك القصة..
هي صحيح قصيرة..
بس سبحان الله..
الإنسان يستفيد من تجاربه وتجارب غيره..
أنا ما حبيت أطوِّل بالحكي..
خير الكلام ما قلَّ ودلّ..
عشان كذا..
أبترك لكم مشاعركم..
وأتمنى أشوف ناس..واثقة بربها..
وتعلم أن من خلقها لن يتركها..
..
أنا هنا أختكم..
اللي يضايقكم يضايقني..
يعلم الله..
ولهذا..
حبيت أذكر هذه القصة..
عساها تكون فايدة للجميع..
صدقوني من يرضي والديه..وينسى الدنيا..
ويوثق بربه..
ما أتوقع راح يسكن قلبه هم..
والأهم..
من ينسى الدنيا..ويذكر الآخرة..
ويعلم أن الدنيا ليست بدار قرار..
بل القرار في الآخرة..
..وما العيش الهنيء في دنيا الفناء..
..بل الهناء في العيش في دار الخلود..
..وما العيش الهنيء في لعبٍ ولهو..
..بل الهناء في العيش في حب الودود..
..
ربي يسعد قلوبكم..ويفرِّج همومكم..ويحقق أمانيكم..
ويقرّ أعيننا وأعينكم ووالدينا ووالديكم برؤية الجنة..
اللهم آآمـــــــــين..
..تحياتي لكم..
أختكم: خوخة
^_^
