سبنج رول في الفرن لذيذ وصحي من عمايل ايدي وبالصور من مطبخي

السلام عليكم ورحمة الله وبركاته
اليوم يا حبايبي الحلوين جايبتلكم طريقة السبنج رول في الفرن والله رهيب وقليل الدسم ومقرمش بدل القلي والدهون الفاضية
نبداء في المقادير :
سبنج رول-ملفوف-جزر مبشور-فلفل رومي-بصل اخضر-بصل-ثوم مطحون مع زنجبيل وفلفل حار-ماجي-اجيني موتو-ماجي-صويا صوص
نجي للطريقة:
نشوح البصل مع شوية زيت
وبعدين نضيف الدجاج

وبعد ما يستوي الدجاج نضيف الفلفل الحار والزنجبيل والتوم والماجي

وبعدين نضيف الخضار كلها ما عدا البصل الاخضر

وبعد ما تستوي الخضار نضيف الجيني موتو والصويا صوص

وبعد ما نطفي النار عنها نضيف البص الاخضر ونقلب
ودحين جاهزين للف ولازم نسوي شوية دقيق مع موية عشان يسير زي الغراء ونلصق فيه نهاية الحبة عشان لا تفك

طريقة للف بالصور




ويعدين نرصها في صينية

وندخلها الفرن ونشغل بس من تحت تقريبا نص ساعة على حرارة متوسطة
وهذا شكلها بعد ما خرجتها من الفرن انا ما خليتها تتحمر تمام عشان كنت مستعجلة

جربوها وادعولي من جد لزيزة وصحية
بالعافية