سحب عينة من السائل الامينوسي والنتيجة ….

السلام عليكم
بعد ما عرفتو شو صار معاي عند الطبيبة النسائية والاخصائي وانو السائل المتجمع تحت رقبة الجنين اكتر من الطبيعي بكتير ونصحوني بأخذ عينة من السائل الامينوسي
اليوم كنت في المركز المتخصص وقامو بسحب عينة من المشيمة لان النتيجة اسرع ومضمونة اكتر في هدا الوقت من الحمل المبكر على حد قولهم
السحب كان موجع للغاية وبدون بنج طبعا .أدخل الاخصائي ابره رفيعة في البطن حتى تصل الرحم وتدخل المشيمة ويبدأ بسحب العينة وهو الاصعب لان بيحرك الابرة بالداخل والحمد لله تمت العملية وحاليا ملتزمة بالراحة وانا بكتب نص جالسة لاني مليت من السرير …
خطر الاجهاض 0.3 بالمية والنتيجة المبدئية بكره ان شاء الله والنهائية بعد زرع الجينات بعد 3 اسابيع
وممكن تكون بكره النتيجة جيدة لكن بعدين تتغير من بعد الزرع لكن لو كانت بكره سلبيه معناها اكيد في خلل بالكرموزومات واخد الطبيب كمان قياسات الجنين وكان كلو طبيعي عدا الاطراف كانت اقصر باسبوعين تقريبا .
الطبيبة قالت انو بالنسبة لعمري 28 سنة نسبة التشوه اقل من النساء فوق 35 سنة ولكن لاني انا وزوجي اقارب اولاد خالة فالنسبة ترتفع واحتمال طفل مصاب بمتلازمة داون كبير والله اعلم

الله ييسر الخير يارب
دعواتكم اخواتي انو يكون جنيني سليم معافى
والحمد لله على كل حال
قدر الله وما شاء فعل ولا حول ولا قوة إلا بالله العلي العظيم
رح خبركم بكره بالنتيجة شو ماكنت ورح خبركم بقراري ان شاء الله بالنسبة للجنين والله ييسر الخير