عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاااته
انا عضووه موجوده بالمنتدى ولي مشاااركات بس مو لازم اقول انا مين اللي ابغاااه انكم تفهموني وتسمعوني اللي سمعوني كثير بس مافهموني للأسف وعشان كذا جيت بفتح قلبي هناا ومتقبله اي رد منكم لان كل وحده منكم لها رايهاا وانا احترمه ..
بدايتها تعرفت عليه بالنت بدايه عاديه كااي بنت ورجال وبعدين تطورت صرنا نكلم بعض مسن جوال تعلقنا ببعض من تقريبا 3 سنوااات ونص طبعا عشرة عمر واكيد فاهمين بعض طبعا علاقتنا فيها شوية زعل وطبعاا هذا ملح الحب ولازم منه والا مااحلوت علاقتنا وحسيتها بالنسبه لي كذبه المهم مو هذا موضوووعي ..
الحكايه اني اعشقه امووت فيه شويه فيه وهوو نفس الشي طبعااا انا سعوووديه وهو مصري بس مواليد السعوديه وحياته كلها بالسعوديه طبعه سعودي غيرته سعوديه تصرفااته كل شي انا بالبدايه لما تعرفت عليه وقالي مصري وربي لحد الان من لهجته وتصرفااته واسلوبه وطبعه مو مصدقه انه مصري واحيانا اقوله انت تكذب علي وااحلفه ويحلف انه مصري ..
طبعاا الولد هذا طلبني بالحلال واحنا نبغى الحلال ولافكرنا بالحرام ولاصارت بينا اشياء حرام والحمد لله من مقابلات وغيرها لا والله صح ممكن كلمته جوال بس انا بنت ومثل اي بنت حست باحساسي ..
الرجال ماقصر قال تكلمي مع اهلك بالموضوع وفعلا رحت قلت لبابا والله جاني اخو صديقتي يبغى يخطبني قال حياه الله قلت له بس انه مصري تغير لوونه وكلامه وبدا يتطنز علي وكذااا انا طنشت وزعلت وقلت له اللي صار وماحبيت اجرحه بس احيانا كان يسمع ابوي وتعليقاته بالمصري هذااا وكان يصبر عشاني واحيانا اسمع خنقته بصدره وحاااسه فيهااا …
بس هذا هو مجتمعنا المتخلف مايفكرون الا بالعاداات والتقاليد بس انا وياه ماوقفنا عند هذا الحد شوفوو لانه شاريني طلب رقم بابا عشان يكلمه وفعلا اعطيته وكلمه.. ابوي من عادته خجول ومستحيل يقوله بوجهه لا قاله يومين وارد لك خبر وجا كلمني حبيبي وهو مبسوووط انه بابا كلمه بذاك الاسلوب على باله موااافق وممكن يتفهم الموضوع ..
استنينا يومين ومافتحت السالفه باليوم الثاني بابا كلم امي وجلس يخاصم وبنتك وبنتك وتبي مصري وباخذ الجوال منها ياربي كل هذا مافي ثقه يمكن انا ناقصني شي منك تعال تكلم معي قولي وش فيك وش ناااقصك انا اللي ابغاه مو بس بيت واكل وشرب ونوووم ابي احس بالناس من حووولي ابي احب وانحب ابي احس بالحنان وابي اعيش مع اللي انا اخترته وهو اختارني …
طبعااا انا لاعندي صديقااات ولا شي حتى صديقات الدراااسه انقطعوا عني وانقطعت عنهم اللي اعرفهم خواتي وبنات عمي ولما ينشغلو بدراستهم ارجع لوحدتي وحتى بالاجازه مو دايم نكون مع بعض اللي مسلي علي ومالي علي حياتي هو حبيبي طيب ابي اكون معاااه وربي لو يبوني ابوووس رجل كل واحد بالعايله عشان يوافقون عليه انا راااضيه وببوسهااا ..
انا ممكن اقنع امي وابوي ممكن يقتنع بس المشكله الاهل الاعمام الاجداد طيب انا وش دخلني فيهم عيالهم حبوو وتزوجو وبناتهم حبوو وتزوجووو وفي منهم اللي اختارو بعضهم ليه انا لما حبيت مااتزوج اللي احبه والا لانه مصري اتقوا الله طيب ربي قالها ( لافرق بين عربي ولا اعجمي الا بالتقوى ) الرجال مايعيبه شي يشتغل يخاف ربه اللي ناقصاه الجنسيه يعني.. طيب بنتزوج وبعد كذا بتنحل سالفة الجنسيه وبياخذهااا ان شاء الله بحكم وجوده بالسعوديه ومولود بالسعوديه بتقولو عيالنا سامعه عن وحده متزوجه يمني والحين عيالها دكاتره وماخذين الجنسيه مع امهم صار كل شي سهل بس ليه الاهل يعقدوو الموضوع ..
مااخبي عليكم حاولت انتحر والله يغفر لي ذنبي بس ماقدرت لعب فيني الشيطان وبلعت وربي 14 حبه من نوعين مختلفين ودق اللي اعرفه على بنت عمي وقالها السالفه وانكشفت من اختي الكبيره وجت وخلتني استفرغها وقالت احنا معاكي وللحين مااحس احد واقف بصفي كل كلامهم يدقوني فيه وحااسه بالشي هذا ومطنشه ومتحمله عشانه وهو متحمل عشاااني …
وربي مره قلت له انا بجيك ماعلي من اهلي قال لا كلمي اهلك مره ثانيه اقنعيهم مانبي نسوي شي غلط بذمتكم هذا مايبيني هذ مو شاريني الحب مو حرام واحنا نبغى بعض بالحلال وين الناااس اللي تفهم وش الجاهليه اللي باقي بعقولنااا احنا نفكر بجيلنا بحياتنا الحين مابنفكر بعقول اجدادنا وربي لو يقولون بيعي نفسك عشان ياخذ الجنسيه ويتزوجك ماعندي مانع ابي اسوي كل شي بس اوصله بالحلال وهذا اللي يبونه اهلي يبون جنسيته سعودي يعني كل سعوديه الحين مرتاحه مع السعودي وربي في بنات معذبين من ازواجهم وهم سعوديين وفي ناس مرتاحين مع ازواجهم وهم من جنسيه غير سعوديه الشي الوحيد اللي يصحح الحياه هي الاخلاق مو الجنسيه انا متعرفه حتى على اخته واكلمهاا ومتفاهمين بس لان البنت عمرها 18 سنه صغيره مو عارفه تتكلم مع امي وام الرجال منفصله عن ابوه وعايشه بمصر وحبيبي له يمكن من اثر من 10 سنوات ماقد شافها يعني حتى ماله ام توقف معاه كل شي موقف بوجهي ووجهه اااه يااارب …
بكيت وبكيت وبكيت ماحد حس فيه بكى معي وماحد حس فيه مين بيحس فيناااا مييين …
معقوووله يوم نسوي الحرااام او نسوي الشي الغلط بيحسووون وبيقتنعووون اكيد بيحسوون عارفين ليه لانه الحين اهم ماعلى الواحد الناااس وبس ماهمه يسعد اهله وعياله طيب هذا حق من حقوقي واابغاااه بس كيف اوصله وربي حرااام عليكم احترق باليوووم الف مره ماحد حس فيه لدرجة اني كل يوم مصدعه واخااف براسي شي من كثر التفكير وربي …
ادعوا لي ان ربي يجمعني فيه ويسهل طريقنااا وربي اني اصلي وادعي وهو يدعي ادعواا ان ربي يحنن قلب ابوي علينا ويوووافق ياااارب ياكريم ياسميع يارحيم يارحمن ادعوك بكل اسم هو لك سميت به نفسك او انزلته في كتاابك ان تجمع بيني وبين اللي احبه بالخير وبالحلال ياارب العالمين اللهم امين …
يااارب رقق قلب اهلي وابوي وامي على ابن الحلال اللي احبه وابيه ويبيني ياارب العالمين …
دعووواتكم واتقبل اي شي منكم سلبي او ايجابي واحترمه …
