عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سلطة الناتشوز من السلطات المفضلة عند أهلي وطريقتها سهله وسريعة
المقادير:
– خس
– جرجير
– فاصوليا حمرا (معلبات)
– ذرة.
– ملفوف بنفسجي وأبيض
– جبن بارميزان (أفضل يكون بالكيلو وتبشرينه بنفسج وايد أحلى)
– ناتشوز
– الصلصة: 2-3 ملعقة مايونيز- صلصة فرنسية- اوريغانو- عصير ليمونتين أو أكثر- ملعقة ك خل- ثوم بودر. (نخلطهم مع بعض)
الطريقة:
– نقصص أول شي الخس وبعدها نحط عليه الجرجير، وبعدين نقصص الملفوف الأبيض والبنفسجي شرايح ناعمة بالطول، وبعدها نحط الفاصوليا والذرة وبعدها الناتشوز وآخر شي نرش البارميزان. (ممكن تحطينهم بالترتيب المكتوب في بايركس أو تخلطينهم مع بعض بماعون كبير)
– الصلصة: مثل ما كتبت بالمقادير، وبالنسبة للصلصة الفرنسية أنا أحط تقريبا نصها أذا حجم الصلصة كبير، ومرات أحط أقل والثوم البودر حسب الذوق تحبين وايد أو شوية، وبالعافية .
