عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم ياكل الصبايا الحلوات
تقبل الله منا ومنكم صالح الأعمال وجعلنا ممكن قام ليلة القدر إيمانا وإحتسابا
أنا اليوم حابة أطرح مشكلة سلفتي << مرة أخو زوجي
أنا وهيا أتزوجنا في يوم واحد قبل 10 شهور تقريبا وهيا لما تقدم لها في البداية رفضت ع طوول بس بعدين وافقت لأنه ولد عمها ولو رفضته ممكن تصير مشاكل في العيلة ومن هذا الكلام << وهذه لحالها مشكلة
المهم تم الزواج ولله الحمد
بس هيا من تزوجت ماجلست في بيتها عند زوجها غير كم إسبوع ومن بعدها إلى هذا الوقت وهيا عند أهلها تقول ما أبغاه وأبغى أتطلق ( وتدعي المرض << عين أو شي من هذا ) وأهلها مساكين ماخلوا مكان ماودوها عنده عشان تتعالج بس هيا أصلا من داخلها ماتبغى العلاج تبغى الطلاق وخلاص
يعني تتعالج عشان أهلها مو عشان ترجعله وعمي ( أبو زوجها ) قالها لاتفكري أبدا بالطلاق إحنا ماعندنا بنات يتزوجوا ويتطلقوا وإنتي أصلا مافيك شي بس تتدلعي وتماطلي عشان نطفش وتتطلقي
بس مهما جلستي عند أهلك ماراح تتطلقي
وكلنا نكلمها ع الموضوع بس هيا تقول ما أبغاه وما أبغى أرجع وطول ماكانت جالسة عنده في أول الزواج وهيا كأنها جالسة عند خدامها تتأفف ومكشرة في وجهه وما تعطيه وجه يتكلم معاها أصلا
مرة قالها غسلي ملابسي قالتله وأحد قلك أنا أشتغل عندك
المهم هيا مادام قدرت تعامله كذا في أول زواجها كان تقدر ترفض من الأساس ليش توافق وتجيب المشاكل
أنا عرفت الحين إنها ع علاقة بشاب وتأكدت من هذا الكلام 100% تعرفت عليه عن طريق منتدى مشتركة فيه فعشان كذا ماتبغى ترجع لزوجها عشان ماتنقطع العلاقة إللي بينها وبينه
بس ماني عارفة كيف اوصل الموضوع هذا لأهلها بدون مايدروا إنوا أنا إللي قلتلهم لأنه صعبة أروح أقولهم بنتكم تحب واحد لأنهم عيلة محافظة وهيا بنتهم الوحيدة وواثقين فيها مرة
وصدق عمي لما قال إنو مافيها شي لأنه حتى كلامها وتصرفاتها تدل إنها تدعي المرض وإنه مافيها شي
بس أهلها لازم يعرفوا لأنه حرام يضيعوا فلوسهم ووقتهم معاها وهيا مو تعبانة ولا شي
أتمنى أشوف ردودكم وأرائكم الحكيمة والسديدة
ولكم مني خالص الشكر وعظيم الإمتنان
محبتكم / بسـAــمة سنيني
