عالم البنات النسائي كل ما يخص المرأة العربية من ازياء وجمال والحياة الزوجية والمطبخ
حبيباتي خواتي حبيت اسألتكم و تفيدوني
انا شفت بالعطار اليوم ((زيت الوزر)) وحيل يمدحه العطار حق الشعر
تطويل و تكثيف و يمنع التساقط و مقوي و ما ادري بعد شنو شغلات شكثر مذكوره و يقول شكثرهم اللي ياخذون من عنده هالزيت
بس انا خوافه شعري رايح فيها و الفراغات متروسه و فروة راسي تبين من كثر ما شعري يتساقط بكثره
و ما بقى طبيب ما رحت له و ما بقى علاج ما خذيته مو ناقص الا زراعة الشعر بس
حنه جربت صحيح التساقط يخف بس ما زال في و اذا طولت في الحنه حيل و بعدها غسلته فروة راسي تصير عدوتي تحكمي اللي ودي اقطعها
نوعية شعري صارت خفيفه و شعري اساسا دهني
جبهتي كل مالها و تكبر من كثر التساقط
مأزمتي هالحاله نفسيااااااااااااااااا
سويت تحاليل و بكل مكان يقولون شي غير عن المكان الثاني
مره خلل بالهرمونات و مره نقص بالحديد و مره هرمون الحليب في خلل و خرابيط واجد و كل عياده تقول لا هالشي زين و الثاني ناقص و العياده الثانيه تقول لا هذا اللي زين و هذا الي ناقص جننوني ما ادري شفيني
ودي اخذ لي فيتامينات يمكن هذا اخر امل لي مع هالزيت اذا مدحتوه لي و بحاول احط حنه لاني وقفته من زمان ما حطيته من هالحكه اللي ذبحتني بعد ما اغسله
السدر يسبب لي تساقط لاني جربته بعد
شرايكم بالزيت اللي ذكرته …؟؟؟؟
اذا عندكم حبوب فيتامينات زينه يساعد على توقف تساقط الشعر اذكروه لي حتى لو كانت هالفيتامينات مو متخصصه للشعر بس لاحظتي انها وقفت لج التساقط لان ناقصج فيتامينات
عندكم شي ممكن تفيدوني فيه اذكروه لي
لاني جد مليت ما بقى الا الزراعه و الفكره تدور فبالي بس خايفه
