سمعت وماصدقت ……… الين شفت

السلام عليكم ورحمة الله وبركاته
ماادري من وين ابدا قصتي واخاف انها ماتوصلكم بالمعنى اللي اقصده وتفهموني غلط
ياكثر مادخلت على هالمنتدى وخاصة افتح قلبك لاتعايش مع مشاكل وهموم اخواتي وكم من مشكله دخلت وكتبت فيها والحمد لله لقيت تجاوب لو مو من الكل بس الاغلبيه
والان ابتكلم في موضوع ياما وياما قريت عنه ولاكنت اصدقة ولا اظن انه صح وهو موضوع الاخ اذا تزوج هل يتغير على امه واخواته واهلة
واغلب الردود كانت نعم ومن واقع تجربة انا اقول لكم ايه يتغير وبنسبة 360%
واكبر دليل اليوم والقصة اللي صارت معي واحس اني بديت اكره مرت اخوي مع انها بنت خالتي وتحبنا زي ماتقول
كنت محتاجه اروح المستهلك او السوبرماركت لاشتري بعض الاغراض وكانت من محاسن او مساؤي الصدف ان اخوي وزوجته رايحين وقالوا هيا معنا
وانا علشاني محتاجه بعض الاغراض لي ولامي واختي بحكم وفاة الوالد رحت معهم وبعدها تمنيت ان الارض تنشق وتبلعني من الاهانات اللي شفتها وسمعتها من اخوي وزوجته وكانت بدايتها
ان طلباتنا كثيرة بس مو مره وهم طلباتهم كثيرة فقلت لهم : ابروح لوحدي وادور وانتوا روحوا لوحدكم وكل همي اخليهم لوحدهم لان ماصار لهم الا شهر متزوجين
المهم قامت طالعت فيه مرة اخوي وقالت : لاتروحي خليكي ورانا ومعانا وبعدينا اخوي قال : صح لاتروحي لوحدك روحي معنا وانا وافقتهم لاني احبهم ولكن مااحسهم مهتمين فيه وكل همهم يشترون اغراضهم وانا كل ماسالتهم عن غرض قالوا بعدين ندوره خلينا نخلص من اغراضنا وبعدين نفضالك يعني كاني خدامتهم يامروني وينهوني
قمت انا خليتهم لين انشغلوا عني وقمت رحت لوحدي وادور اغراضنا وفجأة رن جوالي وكانت حرمة اخوي وقالت : وين رحتي احنا ماقلنالك خليكي معنا
قلت لها ادور اغراضنا وانتوا دوروا اغراضكم واللي يخلص يتصل على الثاني
قامت قالت : لا تعالي بسرعه عندنا وانا عندي عيب اني مااحب اجادل ولا اخاصم ولا اعارض وهي مشكلتي ورحت وسلمت امري لله
وبعدين رجعوا نفس الحركه وهم كل واحد يقول للثاني ياقلبي ياعمري ابغي اخذ هذاك الغرض وانا صامته وصدعت
المهم بعد جهد جهيد خلصنا من المستهلك ووصلنا تحت البيت قلت لاخوي اول شئ شيل اغراضنا وكانت قليلة فقط 4 أكياس وبعدسن اغراضكم
قال : لا انا ابشيل اغراضنا وانتي اتصلي على واحد من اخواني ينزلوا يشيلوها معك
انا هنا وقفت مصدومه معقوله اخوي يقولي كذا
قلت لا خلاص انا ابشيلها وعلشان اشوف هل هو يبي بس يشيل اغرضنا والا بيقرني قمت قلت له
انا ابروح البيت وارسل لك واحد من اخواني يساعدك
قال لي وبكل وقاحه : لا انا ماابغي احد يساعدني وهنا عرفت انه ماعليه مني ولما زوجته جات بتشيل لها كم غرض من اغراضهم وهي خفيفة قال لها : لا ياعمري لاتتعبي عمرك انا اشيلها وانتي روحي البيت قبلي
وانا ابصراحه زاد ضغطي وفي نفس الوقت واحنا راجعين للبيت جلس اخوي يمزح مع زوجته ويقول اش هالمقاضي الكثيرة ماكانت امي واخواتي يصرفون فلوس زيك
قامت قالت له تمزح معه : انا كنت في بيت ابوي اصرف اكثر من كذا والا من زينك ماعمرك فترة الخطوبة جبت لي شئ يفرح
قال لها : ماعمري ياناكرت الجميل وهذيك الهديه ………… بعدين سكت وماكمل وقالت له كمل
قال : معنا بعض الناس مانبغاها تسمع اش جبنا كاني ابحسدهم ومن ساعتها وانا كارهتها وكارهه يوم خطبناها لاخوي لانه تغير علينا وماعاد مهتم فينا
اه الله يرحمك ياابويه ماكنت مخلينا محتاجين احد حتى اخواني
بس ابصراحه الان صدقت كل من كتبت في هالمنتدى عن تغير تصرفات اخوها معها
طيب اش نسوي لهم واللي يزيد الضغط انهم يقولوا اذا سويتوا العشاء والا الغداء تعالوا وطلعوه عندنا كاننا مطعمهم وامي من طيبتها تسوي الغداء وتقول لي روحي وديهم وانا من حبي لهم اطاوع امي واسمع كلامها والا هم مايستاهلوا

والله العظيم اني كنت فرحانه ان اول واحد من اخواني يتزوج وبنجيب لنا وحده تكثرنا لانا فقط انا واختي وقلنا مافي انسب من بنت خالتي بس زاد الطين بله من تصرفاتها ولكن انا مدري اش اسوي وكيف اتصرف فياليت تدلوني