عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اشلونكم حبايب قلبي هالشغلات غيرتهم في مكياجي وحسيت انه تغير ويهي وصار عندي ثقه
اول شي
خففت كمية المكياج
واهم شي
خففت كريم الاساس وغمجت لونه اشوي وصرت احط اقل كميه ممكنه والله اني ساعات احط مسحه خفييييفه لا تذكر وطبعا قللت البودره وااايد وغيرت اللون كنت احط ابيض على وردي والحين صرت احط على بيج احلا وايد وطبيعي اكثر
والله صار عندي ثقه قبل احاول كثر ما اقدر ما اقرب من عند احد عشان ما يلاحظ طبقة كريم الاساس والبودره اللي احطها والا ويهي كان يدهن من كثر الاساس اللي ما يخلي الويه يتنفس وصرت اكتفي في بودرة مضغوطه من ماكس فاكتر وللمناسبات من كنيبو
والله الاساس الابيض يخلي الويه جنه لوحة فنيه مع الوان الشدو
والشغله الثانيه الاي شدو ابتعدت عن الالوان الفاقعه مثل الازرق والاخضر والاصفر والبرتقالي( طبعا في المناسبات والاعراس غير حسب لون البدله )
والشي الثالث
حواجبي صرت احاول اخفف تغميجهم بالقلم المخصص واخليهم كثر ما اقدر طبيعيين وانا الحمدلله ما احفهم لان الحف حرااام
انتظر رايكم ومشاركتكم معاي