شافيفك غامقه؟ … تعالي الحل عنـــدي ان شاء الله

كيف حالكم ياحلوات وش اخباركم ان شاء الله تمام

طبعا اغلبنا نعاني من مشكله اسمرار الشفاه .. او لون الشفه العليا تختلف عن السفلى

وهذي مشكله تواجه الكثير من البنات … وانا من ظمنهم

مشكلتي ان الشفه العليا غامقه اما السفليه فاتحه

سبحان الله ماكنت مرة مهتمه اني ادور على شي يفتحها

بس الحمد لله صدفه لقيته عن العطار …. ومارضيت اقولكم الا بعد ان استمريت عليه وبينت النتيجه والحمد لله

لقيت كريم اسمه ( اورانج ليب ريباير ) مستخلصات الفواكه …
هذا الكلام اللي مكتوب على العلبه
((( البرتقال لأصلاح الشفاه

من اجل مشاكل الشفاه المتشققه والداكنه , يعمل مستخلص البرتقال على تفتيح الشفاه تدريجيا وطبيعيا, وتساعد آلو فيرا على ترطيب ومعادلة وتنعيم التجاعيد.

توجيهات: ضعيه بحريه على الاجزاء المتأثره )))

الحلو فيه ان فيه وقايه من الشمس SPF15 يعني لو تحطينه وتطلعين عادي فيه عامل وقايه
بس للامانه انا احطه بالليل قبل النوم احس احسن علشان يظل اطول فتره
وهذي صورته

وصناعته فرنسيه .. سعره 10 ريال ..

مكتوب عليه بأسبوع واحد .. لكن انا احطه مرة وحده صار لي تقريبا 3 اسابيع او شهر استخدمه لون الشفه اللي فوق صار مررة قريب من لون الشفه اللي تحت …. ويمكن لو اني مستخدمته مرتين او 3 يوميا كان صار ااحسن

هذا كل اللي عندي … جربوا وان شاء الله يفيدكم مثل مافادني … 😎