عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله
أولا الحمدلله على سلامتي والله يهون على كل حامل ويسهلها عليها يارب
ويرزق كل محرومة أو متأخرة ياحي ياقيوم
قبل لاأبتدي في قصة ولادتي ترى السهاله من عند رب العالمين مهما سويتي أو فعلتي
بداية الطلوق أتعبتني من الساعه 6 ونص يوم الأثنين 13-10وهي تروح وتجي وأحسب بين كل طلقه والثانيه مرة 7 دقايق ومرة ربع ساعه يعني غير منتظم
وأختكم فالله شاده حيلها ماأبي زي ولادتي الأولى عشانه نزل علي المويه وانا علي التخطيط وأمسكوني
قلت هالمرة بسوي كل الأشياء اللي تساعد على تحريض الولادة وتسهيلها بأذن الله
شربت قرفه مافاد
تبخرت بعود وقرفه مافاد
وشربت موية زمزم مقري فيها ومنقعه فيها زعفران مافاااااد
أكلت عسل مع حبه سوداء
وبرضوا مافاد
شميت حلتيت
وحطيت مويتها بفوطة وانتوا بكرامه ومشيت بالحوش
بعد مافاد
كل هالأشياء سويتها من الظهر إلى المغرب تقريبا وقلت لزوجي أبي أمشي
وبعد صلاة العشاء مشينا في ممشى البلديه
وقال لو تجيك لاسمح الله ولادة ولا شي
يكون المستشفى قريب منا
وأنا أمشي وإذا جاتني الطلقه أنحني وأوقف وبعدين تروح وأكمل
المهم على الساعه 10 دخلت عندهم
وأكشفت قالت مفتوح 2 سم
قلت لها أبي أطلع
قالت لااااا
أنتي معديه شهرك قلت لها باقي يومين واخلص التاسع
قالت لا الأفضل تنويم
بس ماأدري شلون يوم قالوا لي تنويم وكان مفتوح 2سم
وانا طول الفترة أقرى الأدعيه وماخذه آيفوني ومنزله فيه أدعية تسهيل الولاده
ومنزله بعض السور من القرآن سورة يس ومريم
وقالوا لي يللا كشف وأروح للدكتور سوى لي سونار ويبي يكشف
قلت انا في خاطري لايحوشك وش كبر اصابعه هالمصري قلت له ماأبي تكشف علي
حسيته عصب وقال خلاص باين من التخطيط طلقك بارد
وأنتظري للصباح عشان تجي الدكتورة تكشف عليك
قلت حسبي الله عليك قمة التحطيم
قلت يارب مايجي الصباح إلا انا والدة وماأتعطل على كشفك
