عالم البنات النسائي كل ما يخص المرأة العربية من ازياء وجمال والحياة الزوجية والمطبخ
يوم الخميس 11 بالضبط نورت دنيتي
البكريات لاتقرون القصة 
😆 🙂
يوم الاثنين كان عندي موعد في المستشفى اللي سحبت ملفي منة
قلت اروح اجرب فية لان ماعندي موعد اسبوعين كاملين بالمستشفى اللي راح اولد فية
رحت وشافتني الدكتورة وكانت بتفحص الرحم ماوافقت قلت ماابي اعطتني موعد يوم السبت قالت
تعالي بشوفك علشان تولدني اكون عديت يومين من التاسع بس طبعا مبيتة النية للسحبة
لاني قررت اروح المانع ولادة بس قلت بروح الاربعاء الصباح رحت وتوكلت على ربي قلت اجرب
اشوف ايش الموضوع لاني كنت اتالم وكتبت للبنات بالقروب 😀 قالو يمكن طلق
بس ماتوقعت رحت المستشفى ودخلت عالدكتورة قالت ممكن افحص قلت اوكي بس لاتعوريني
جلست تضحك 😈 قالت اوكي والفحص ماعورني جلست تسولف معاي 😳
بعدين قالت حبيبتي فاتح 3 وانتي ماتدرين ايش الموضوع وماتحسين بالالم
قلت الا بس الدكتورة قالت لي اذا الالم يروح ويجي لاتجين وحتى عالماي الدافي كنت اسوي ويروح
الالم قلت مافيني شئ قالت انتي تنويم ورحت اخذت شنطتي من البيت وجيت بتغدا بس دقوا المستشفى علي قالو وينك يحسون انحشت 😎 قلت اجيب الشنطة واجي رحت الظهر
واخذ كشفو علي ودخلوني ولبسوني دقيت على امي تجي وحطوا لي حقنتين وانتوا بكرامة .۔
مر الوقت بطئ وحسيت بجوع مرررررة و5 قاسو علي ونفسة 3 سم … 😛
بعدها جابو لي اكل 7 العشا خفيف مرة
وجات 9 وكشفت علي باقي 3 قالت ساعه اذا مافتح امشي وبنوديك الغرفة مشيت لما هلكت
ورجعت غرفة قبل الولادة وبعده 3
حولوني على غرفتي الساعه 11 بالليل وشوي جات اللمرضة قالت امشي برا علشان يفتح جيت بمشي
ماقدرت كم خطوة داخل الغرفه وجلست اقول لزوجي ماابي امشي برا اخاف اطيح من الالم
السدادة طاحت من اول مارحت المستشفى الظهر بس الموية مانزلت
وبعدها رجعت انسدحت عالسرير وبموت من الم جوانبي وظهري قلت لا الطلق بالبطن واتفلسف
وانا بقمة الالم واصيح وزوجي يحاول فيني يكلم الممرضات قلت لا هذا الم الجوانب من السدحة اكيد
لما شافني انهرت من الالم دق الزر وجات الممرضة قال فية الم وحطت الجهاز طلع فيني طلق قوي
ونادوا الدكتورة وحولوني غرفة الولادة كلمت امي تجي بسرعه وجاتني
وفحصوني وانا اتلوى من الالم اقول للدكتورة جوانبي بموت منها قالت الطلق يجي بكل مكان من البطن والظهر والجوانب وقمت ابكي قالت بفحص قلت حرام عليكم كل المستشفى فحص قالت
بس الحين الطلق حامي مرة قلت لاتعوريني خلاص احس بموت قالت اوكي كل اللي فحصوني عسل
ويحاولون مايألمون بس لازم يشدون وجلست توسع قالت استحملي وطلع 4 كل هالعذاب 1 سم
زاد الالم علي قلت ابي ارتاح قالت بعطيك مسكن قلت ابي ابرة الظهر وزوجي يقول استحملي قلت مافيني
من امس وانا مستحملة شاف ان العنق موراضي يفتح كسرت خاطرة طبعا انواع الصراخ 😀
طلع عني اقول لاتكذب علي يالكذاب اكيد بتنحاش وماراح توقع لازم الزوج يوقع عليها ووجهه مصفوق مايبي
بس بحالتي وافق جا دكتور التخدير بعد اذان الفجر وانا صراخي الى اخر المستشفى اعطاني وهديت جات الساعه 7 قاست الدكتورة وباقي 4 قالت بجي بعد ساعة اشوف جات 8 وشافت لسة 4
قالت عنق الرحم موراضي يفتح طبعا الطلق الصناعي ركبو الساعه 5 الفجر ومافتح معاي شئ
قالت الى 9 مافتح على طول عملية البيبي بيتعب 😆 idea::P قلت ان شاءالله دعيت ان ربي يسهلها
واللي فيه خير لي ربي يقدمة فك مفعول الابرة 😉 الساعة 8 ونص والطلق الصناعي عامل عمايلة وبأقوى طلوقيمافية ابرة واصارخ ابي الابرة قالت مافية انتظري امسك يدها اترجاها تقول نو مدام انتظري بعد ساعه قلت مااقدر بموت وزوجي يقول عطوها ويسوون نفسهم مايسمعون صرخت عليها وعطتني حسيت انها حطت مسكن بسيط احس بالالم اقول لها احس قالت ايوا لان البيبي يدفع قلت من شوي مااحس قالت لاالحين نزلت تحت تكذب علي طبعا علشان ماتبي اخذها جات 9 راح المفعول قل انا احس لية قالت لالا بس انتي تعبانة قلت عطيني موشغلك قالت بعدين مابتسوين بوش قلت ابي هاتيها وامي تبكي تقول حطي لها قالت معليه خليها تستحمل علشان تقدر تسوي بوش وجات تقيس قالت 5 الحين ماينفع اعطيك قلت جيبي قبل مايفتح زيادة واضرب الحدايد حق السرير من الالم الا تشوفني هندية وتلمني اقول بليز ابي ابرة
قالت اعطوك قلت اية بس احس ولما كلمتها طلعت تكذب عطتني قليل ومخفف مرة قالت حرام عليك في وقت تعطينها قبل لاتولد وسحبت من ايدها الابرة الرابعه وزادت المفعول والكمية زي حقت الاخصائي ودفتها لي بس وقتها كان فاتح8 وصار مفعولها خفيف وشوي الا اشوف الاخصائيات كلهم تجمعوا والممرضات
ويسحبون السرير ويركبون الرباطات حق رجلي ويشيلون التخطيط وانا خفت طلع فتح ومن اول الممرضات حولي يقولون سوي بوش كل ماتألمتي وانا اسوي طلع انا اسوي والاخصائيات يتجهزون شوي الا يشوفون بداية الراس مسكتة بصبعها الدكتورة وتجمعوا علي علشان البيبي بينخفض الاكسجين عندها قالت بسرعه بوش كل ماحسيتي بالم وانا اضغط النفس وافك قالت لاتفكين النفس بس مافيني امسك نفسي فترة طويلة ويصارخون بأسمي بوش بوش بليز ويقولون الراس بدا يطلع ووقفت وصرخت دكتورتي علي قالت البيبي بتموت انخفض الاكسجين عندها مرة طلعيها بسرعه عصرت نفسي بس خلاص مافيني قوة شوي ممرضتيني يميني ويساري يصرخون بليز مدام بيبي بيموت ودفت وحدة راسي على بطني وقلت اضغطي بسرعه واضغط واطلع الصرخة قالت نو على داخل بسرعه واعيدها طلع راسها وبعدها عدت الحركة كم مرة وطلعت النتوفه حقتي شعور حلو لما يسحبونها مرة وحدة ويحطونها على بطنك …انا اضحك ضحكة وحدة دايخة خيطتني الدكتورة وبعدها بساعه ونص قالو يلة عالغرفة قوموني من عالسرير طحت عليهم 😆
انخفض الدم والاكسجين والضغط عندي وامتلت الغرفة دكتورات واللي تضرب وجهي واللي تحط الاكسجين وزوجي جلس يصرخ لاتنامين قومي شوفيني تكفين وانا اغفي وتصحيني الممرضة مدام بليز مافي نوم شئ اسمعه شئ مااسمعه …وبعدها ركبو 3 مغذيات وبعد ساعه صحصحت بس مااقدر اقوم جابو لي اكل الساعه 5 بنفس غرفة الولادة الساعه 7 ودوني غرفتي
والحمدلله كلة بأجرة ان شاءالله ..۔وربي يسهل على كل حامل ويرزق كل محرومة
