شعرك يتساقط؟ تبينه يطول ؟ تعالي شوفي تجربتي مع زيت الحلبه

السلام عليكم ورحمة الله وبركاته

. .

كيفكم بنوتاااات

ياارب مافيكم احد شعره متضرر

بس تعرفون ظروف الحياة القاسيه على الشعر

مثل الحمل , النفسيه الإكس . الإرهاق , الجو المتقلب .

وفيه اسباب كثير

. .

والله العظيم اني ماجيت هنا اعرض لهذا الزيت لأني ابيعه لا والله

انا حبيت اشارككم . . تجربتي مع هالزيت من اربع سنوات

الا وهو ( زيت الحلبه )

مين منا يجهل فوايد الحلبه

انا كنت معااارضه عشان الريحه 😆 hy:

بس صديقتي قالت ماراح تندمين وجلست اعذر واقول انتي شعرك ناعم وحلو مايحتاج زيوت فلذلك ماراح ينفع معاي

انا كنت ابي شعري

1 / ابيه يكون فيه لمعه لأني كنت في طور تطويل الشعر يعني (مااقص الا اطرافه على خفيف جدا)+اني استشوره كثير كنت فلونه صاااار بااااهت جدا مع العلم ان شعري ولله الحمد اسود بقوووه يعني المعه اذا صارت مو موجوده شعري جدا قبيح يصير

2/ ابغى شعري يطول بسرعه والحلبه معروف عنها تطول الشعر بسرعه
……………

تخيلو بنات

جبته من صديقتي وحطيته الظهر على شعري وماغسلته الا بعد ست ساعات تقريبا طبعا حطيت كيس نايلون على راسي

وتعالو شوفوني

راسي صدع حسيت كأنو شي يشفط راسي وصرت ادق على صديقتي كل شوي اقول شكل الزيت فيه بلا

شكل الزيت فيه مواد

قالت لي انها صار معاها نفس الشي اول استخدام بعدين صار مايجيها هالشي

غسلته بعد 6 ساعات واستشورته

كان جاينا ظيوف والله الذي لا اله الا هو يابنوتات

ان بنتهم قالت لي شعرك فيه لمعه قويه كأنو حاطه عليه شي وانا الي 😆

اسوي نفسي مره واثقه وانا من جواتي 😡

صرت استخدمه يوميا الا يوم الخميس والجمعه استمريت شهر وزياده وانا اروح الصباح الدوام يعني الريحه تروح بمجرد ما اغسل شعري

شعري الحمد لله تحسن من جميع النواحي تساااقط والله انقطع حتى من قدام واضح انه طالع الشعر من عند الغره شعر مره قصير جديد بفتره قصيره / فروة راسي ياربي لك الحمد احس انها منتعشه

ماصرت استخدمه يوميا لا صرت استخدمه يومين بالأسبوع بس ما اتركه فتره طويله لأن شعري يبين فيه مره اذا حطيته عليه يلمع بقوه ويلين شعري يعني وانا استشوره غير لما اكون ماحطيت الزيت كأنه قاسي
ولما احط الزيت لا يكون لين مره ويجي مع الإستشوار اسرع
…………

كل هذا وانا مانسيت سالفة الشي الي صار لي اول ماحطيت الزيت على شعري

كلمت واحد خالتي تاخذ منه اعشاب معه شهادة دكتوراه بالطب البديل وسألته عن الشي الي صار براسي اول مااستخدمت زيت الحلبه

قال الحلبه فيها ميزة تمتص اي شي بالراس يعني اذا كانت بصيلات الشعر تعبانه او فروة الراس مجهده او ضعيفه او في شي بالراس تمتص كل هالأشياء / وقال الدليل على هالشي انو كثير من الناس اذا صار لهم شي يحطون (صباخه) الي هي اشياء مخلوطه مع بعض يحطونها على الألم زي الكسور او الراس تمتص الأشياء الي بالجسم وعشان كذا حسيتي باهالشي لما حطيتيه على راسك وتراه مفيد والي صار معك مو شي سيء بالعكس

عاد انا هنا ارتحت << براسها السالفه مانستها 😆

………………..

وبعد كذا انا الحين اسوي هالزيت ببيتي واعبيه وعلى مسؤوليتي امام الله قبل خلقه

: )

وهذي تجربتي مع الزيت ونتيجته