عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
يمكن موضوعي غريب شوي بس هذا احساسي الحقيقي ومدري ليه
يمكن الطيبه ولا الحب ولاالعشرة؟؟؟
انا زي اي زوجة زوجها ممكن يغلط في حقها اويزعلها اويصير بينهم خلاف سوا بسيط اولاسمح الله كبير
احيانا اسكت واكلها بجنابي واحيانا ارد وادافع عن نفسي وحقي
وممكن اقول كلام يزعل ويجرح بس كله لاني بكون مجروحة او مقهورة
ولو حصل خلاف بيننا وطلع من البيت انقهر وانحرق واعصب
واصير اكلم نفسي وازعق واشكي للجدران منه ومن عمايله
بس ارتاح ليه؟؟:P
لاني افضفض واطلع كل اللي جوايا وبخاطري حتى الكلام اللي استحي او مااقدر اقوله بوجهه
وبعد شوي احس بحنين له وشوق له حتى لو هو الغلطان
واحس اني مذنبه وغلطانه بحقه وماكان في داعي اسوي كده
واروح وادق عليه واعتذرله واتسامح منه او حتى ارسله مسج
واحيانا يقبل اعتذاري واحيانا مايعديها
وانا انسى وامشي واعديها وبنفس الوقت شايله بخاطري
بس اقول خلي المركب يمشي
وفي مثال ثاني:
اليوم انا كتير تعبانه لان ضرس العقل عندي حب يطلع اللحين
وجهي وخدي منفوخ ومتألمه كتيررر مااقدر حتى اتكلم ولا اكل ولا اقدر اعمل شئ ➡
جامن العمل الساعة 3العصر لقاني نايمه ودايخة نوم لاني باخد بينج
ومسكنات من شده الالم وهو عاذرني والمسكين من الفطور ما اكل شئ
وقعد يستناني اقوم من النوم لين 7 المغرب وانا لاحياة لمن تنادي
وماقمت الا 9ونص العشاء دورت يمكن جاب غداء المسكين مفلس 😐
فقلت خلني ارسل اخوي يجيب لنا غدا اقصد عشاء
وقومته وقام عادي مع اني توقعته بيقوم معصب ويهاوشني من اللطعة
وبعد العشاء اعتذرت منه وانا في قمة الخجل 😆 hy:لاني حسيت اني بايخة بتصرفي
بس والله موبيدي وهو قال انا عاذرك بس لاتاخذيها حلا 💡
ونام هو مرتاح الحمدلله ماشاء الله علينا
بس انا الى الان احس بالذنب والقصور
صحيح انه يسوي فيا العجب العجاب
بس اشيل بقلبي واسكت مااحب يزعل بس عادي انا ازعل
لاكن لازعلت طلعت الاول والاخر
انا عارفة طولت عليكم لاكن خلاصة موضوعي:
هل هذا شعور طبيعي من الزوجة تجاه زوجها؟؟
ام من طيبتي ؟؟
ام من مبدأ(وجعلنا بينكم مودة ورحمة)؟.
لااله الا الله رب العرش العظيم
