عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا فراشات
كل عام و انتو بخير و صحة و سلامة
و عيدكم مبارك و سعيد يا احلى فراشات
ماهنتو علي قلت لازم انزل الموضوع قبل انزل لغدا العيد
جايبتلكم كم شغلة سمعتها بحلقة اوبرا الامس و عجبتني
طبعا بخصوص البشرة و التجميل
كانو جايبين دكتورة جلدية تعالج مشاكل اكثر البنات بالمنتدى يعانون منها
اول شي كان في وحدة تعاني من حب الشباب و اثاره و هي كبيرة في الثلاثينات
نصحتها الدكتورة ان اول شي تبتعد عن الصابون العادي و تستخدم غسول وجه لطييييف و خاص للبشرة الحساسة
و ماتسوي تقشير لوجهها ولا تجففها بخشونه لان هالشي راح يحفز البشرة تفرز دهون جديدة
و المكياج طبعا لازم يكون كله اويل فري
و لازم تستخدم كريم انتيبايوتيك>> مضاد حيوي يعني مثل الفيوسيدين
و قالت شغلة صدمتني يابنات
قالت لها شفتي البقع البنية اللي تتركها الحبوب؟؟ هاذي سببها التعرض للشمس
لان الحبوب تقتل خلايا البشرة و تفقدها المناعة ضد الشمس و بالتالي اقل تعرض للشمس يسبب التصبغ و البقع الي نشوفها
و الحل انها ماتطلع من البيت ابد الا بسن بلوك
و طبعا تستخدم الي يجي جل موب كريم لان بشرتها دهنية
و لكل الي قالو ان الرتن اي خطير و سحبوه من الصيدليات
الدكتورة نفسها و هي مشهورة عندهم والا ماكانت طلعت عند اوبرا
نصحتها بمرهم الريتانول
و قالت لها اي مرهم فيه كلمة رتن هاذه زين استخدميه
و الريتانول هو مركب من فيتامين A و قالت انه يجدد خلايا البشرة 😀
خلصنا من اول شغلة
بعدين تكلمو عن مشاكل الاقدام و خشونتها
و الدكتورة شرحت طريقة العناية بالكعب الجاف و الخشن
تشترين اي مرهم يحتوي على حمض السالساليك
عندنا بالخليج المتوفر ديبروساليك
و تدهنين فيه القدم لين تمتصه البشرة
و بعدين تجيبين اي كريم ثقيل>> هي نصحت بالفازلين
و تدهنينه فوق الديبروساليك > يعني ماتغسلين الاولي
و بعدين تلبسين فوقهم جوارب و تنامين
و قالت بعد اسبوعين اقدامج راح تصير مثل الاطفال
طبعا هالطريقة تنفع للركب و الاكواع بعد>> انا طيرااااان عالصيدلية و بشتري الديبروساليك 😆 🙄
اييي و ذكرت شغلة شفتها في برنامج ثاني موب في اوبرا>> عشان تحاربون مشاكل البشرة جيبو قطعة اناناس و دلكو فيها البشرة علشان تتشرب عصيرها و بعدين خلوه ينشف و غسلو وجهكم و مع الاستمرار راح تصير البشرة نضرة و تاخر التجاعيد
نرجع لاوبرا
قالو شغلة بعد صدمتني
شفتو كريمات السيلولايت الي يقولون تشد وتذوب الشحم
يقولون كلها فاشلة و ماتسوي شي
و السبب انها تنفخ الطبقة الي تحت الجلد مباشرة
و لما تنتفخ راح تطلع ملسا و تخفي البلاوي الي تحتها
و لما توقفونها راح تفش الطبقة و تطلع السلولايت من تحتها
اممممم اشقالو بعد ياربي
اي انتفاخ تحت العين علاجه شرايح الخيار او اكياس لبتون
طبعا حل مؤقت اما الي عندها المشكلة مزمنة لازم تسويها جراحة
و قالو انها جراحة جدا سهلة و معروفة و امنه
و رائحة الاقدام ممكن علاجها بان ننقعها بشاي اخضر
و تكلم عن الشعر و طريقة العناية فيه
و الاخصائية قالت ان افضل مجفف للشعر هو رفلون:P
و افضل واقي عن حرارة المجفف
citre shine و got 2 b
انا استخدمت الاثنين فعلا رووووووووووعة
و بس خلاص هاذي الاشيا الي اتذكرها
ماحبيت ائجل الموضوع لبعد العيد خفت انسى
اتمنى استفدتو فراشاتي
