عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ازيكم اخواتى العزيزاتتعالوا معايا النهارده هنقعد فى جنينه المنتدى ندردش مع بعضهى كبيرة وواسعه وتاخد كل الحبايب
وهناكل مع بعض الاتى بس كل واحده تاخد بالها من صوابعها
اولا الشكلمه اللذيذه ياعزيزه
ثانيا الكلوب ساندويتش
ثالثا سلطه للخضروات
رابعاحلقات من البطاطس المحمر
يوم الجمعه جلسنا فى الجنينه مع اخواتى وقت عصريه
ودخل علينا المغرب
وكنت قد اعددت هذه الاطباق لزوم القعده
وصورتها علشان اقولكم عليها
اولا الشكلمه اللذيذه ياعزيزه
المقادير
علبه لبن مركز
2كوب جوز هند ناعم
4 معالق جوز هند مبشور
نقطتين فانيليا
الطريقه
اعجنى كل المقادير السابقة (ماعدا الجوز هند الخشن)
وقطعيها لقطع صغيرة اصغر من البيضه
امسكى كل قطعه ومرريها على الجوز هند الخشن
لتعطيكى الشكل المنفوش
هاتى صينيه فرن ورشيها بالبخاخ (PAM)
اوامسحيها بزيت خفيف
ثم رصى دوائر الشكلمه بها
وادخليها الفرن الساخن (مهم) 180 درجه
وضعيها بورق البليسيه ورصيها فى طبق التقديم
وبالهنا والشفا
ثانيا الكلوب ساندويتش
المقادير
عدد من العيش الفينو واجهته بالسمسم
لبنه – شطه – زعتر – زيت
عدد من عيدان الاسنان
الطريقة
اخلطى المقادير جيدا
واعملى السندوتشات من الخليط عادى جدا
قطعيها بسكين حاميه لقطع صغيرة كما تريها بالصورة
غزى عود اسنان فى كل قطعه
ورصيها فى طبق التفديم
ثالثا سلطه للخضروات
تقدم لتغمسى بها الخضروات التاليه (كتسالى)
البروكلى – والخيار ( تقطع حلقات) – والطماطم (تقطع صوابع)
ويمكن مع بطاطس شيبسى
المقادير
نصف كوب زبادى – نصف كوب سور كريم (زى اللبنه)
ملح – فلفل – شبت ناعم جدا – توم
بشر قشرة ليمونه
الطريقة
اخلطى جميع المقادير جيدا
وضعيها فى طبق غويط للتفديم
رابعاحلقات من البطاطس المحمره
كتسالى برضو
اسلقى البطاطس بقشرها
وقطعيها حلقات بالقشر برضو
ورصيها فى صينيه الفرن المبطنه بالبخاخ(PAM)
ورشى عليها ملح وفلفل وزيت زيتون
ودخليها الفرن حرارة عاليه 180 درجه
وانتظرى حتى يحمر الوجه
وبالهنا والشفا
