شهرين عشتها مع دورة الأفعى الحنونه وهادي نتائجهــا^_^..

شعـــــــري ~>

كان في البدايه ملمسه نااااشف كل ماتشوفه أمي تقولي
انتي اش سار بشعرك ليش كدا طبيعته ملولوره بس لولوات متمدده
ان شاء الله بس تفهموني …

لكن مع الأفعى وبرنامجها ماأقولكم انو اللولوات راحت بس خفت عن أول
بكثييييييييير وسار شكلها أحلى والشعره سارت رطبه لمن تمسكيها
ملمسها حلو وقل التساقط من شعري واتعلمت أشياء
كثييييره صراحه من الدوره دي …

كنت أحط زبده في شعري زبده ذايبه والأفضليه تكون غير مملحه أحطها
على شعري في الليـــل وفي الصباح أغسلها بشامبو فاتيكا وبعد ماأغسل
الشامبو أحط حمام زيت فاتيكا وألفها بفوطه حاره يعني حطيتها على مويه حاره
وعصرتها ولفيتها على شعري …

وأحيانا كنت أحط خلطة السدر حق الأفعى تلاقوها في مواضيعها
هادي الخلطه خطييييييييره كلمه قليله عليها مررره تجنن نعومه
وغزاره كل شيء تسويه بشعرك ..

بشرتــــي ~<

نصحتني بمويه وملح لوجهي لانو دهني ومرره حلو بعد ماأحطه
أحس بإنتعاش في وجهي والدهون تروح وينظف وجهي ..
وقالت لي على خلطة الفازلين + السدر + الكركم
صراحه مااستمريت عليها عشان كدا ماأقدر أقولكم نتائجها
ولكن للأمانه أنا قولت لكم كل شيء قالته ليا..

الحاجات اللي اتعلمتها ..~<<
1- بودرة جونسون حطيها بين الفخود بعد ماتتروشي
ماتخليها تحتك ولاحظت مع الأيام انو في تفتيح خصوصا اني
أدعك بالليفه بقوه في دا المكان وعشان مافي احتكاك ففتحت

2-لاحظت على نفسي لمن أحط الزيت على فروة شعري
ويطول بشعري الزيت الشعره تطيييح فاذا وحده منكم
نفس الشيء انتبهت له لاتخلي الزيت على فروة راسها
أكثر من ساعتين

3- الإهتمام بنفسي وترطيب الجسم دائما والشعر لازم في الأسبوع
تسوي مره أو مرتين حمام زيت خصوصا مع الجو هذا اللي عدم شعورنا…

4- كنت أستخدم لجسمي صابونة الغار ووجهي صابونة البابايا
ومرره فتح وجهي منها ..

وبس 😆 idea: وبإذن الله لي موضـــوع ثاني حيكون بعد رمضان
في حاجات حجربها واذا لقيت منها فايده أقولكم عليها
وطبعا برنامج الأفعى حستمر عليه لأني لاحظته ناسب شعري
كثيييييييييييير وشعري انفرد وباقي شيء بسيط وحكمل لحتى
شعري كله ينفرد .. ماأقولكم يابنات ساار نااااعم زي الفلبينيات
لا ولكن شعر لولواته ممدوده وملمسها ناعم سرت شعري أفتحه
وأنا واثقه من نفسي بعكس أول …