شوربة الحب

والله مرة وحشتوني كيف الحال يافراشاتي الأموراة طيبين الحمدالله وكيف الصيام معاكم كله بخير ان شاء الله يلا شوف معيا طريقة الشوربة ويارب تعجبكم ترى مرة طعمة ومفيدة المقادير : كأسين حب صغيرة – لحم – 5ملاعق أكل حليب نيدو – ابزار مجمع (قرفه – هيل – خولنجان – كزبرة – فلفل أسود – كمون – شيبه ) الطريقة : نغسل الحب واللحم جيداً – نحط الحب واللحم في قدر ونحط عليه ماء مغلي وقليل زيت ونحطه على الناروكل شويا زيدي مويا لحد لمن اللحم والحب قريب يستوي أمسك البيضة الحديد وحطي فيها الأبازير يابنات انتبهوا لازم تصك البيضة مزبوط عشان ماتخرب الشربة لمن يستوي الحب واللحم جيب زبدية حطي فيها الحليب وقليل مويا وقلبي مزبوط وحطي على الشوربة وخلي يغلي شويا لحد لمن يسير قوام الشوربة وسط يعني مو مرة خفيفة ولاتقيله