شوربة كريمة المشروم بطريقتي الخاصة (بالصور و التفاصيل)

يا الغاليات هذا ثاني موضوع لي في قسم المطبخ ، أتمنى تجربون الوصفة و تعجبكم..

في البداية نتكلم عن المقادير:

1 الى 2 كيس شوربة كريمة الفطر من كنور
علبة كريمه كي دي دي السائلة
مشروم طازج مقطع (لو مو متوفر عادي معلب العملاق الاخضر احسن نوعيه، لكن الطازج اطعم و الذ) لو معلب علبه كامله و لو طازج مثل الكميه اللي حاطتها او اكثر شوي حسب الرغبه
مكعب ماجي خضار
فلفل أسود و احسن يكون طازج حسب الرغبه
ماء بارد وماء مغلي
زيت نباتي و نتفه زبده

الطريقه:
أول شي نحط مقدارملعقتين زيت نباتي في قدر مع شويه زبده على نار هاديه

بعدين نضيف المشروم و مكعب الماجي و رشة فلفل اسود

بعدها نضيف شوربة الفطر (كنور) لو تبينها تصير ثقيله حطي ظرفين لو تحبينها خفيفه حطي ظرف

حمسيها شوي مع المشروم و بعدين ضيفي عليها ماي بارد بحراره الغرفه مو مغلي كمية بسيطه.. و بمجراخه الحليب خخخ اتمنى تفهمون معنى مجراخه مادري شسميها لكم.. تخلطونها لما تذوب الشوربه بالماي..

اضيفي عليها الماي المغلي و استمري في الخلط.. و رشي عليها زياده فلفل لو حابه

اخر شي ضيفي علبه الكريمه السائلة و خليها تطبخ شوي .. و اهم شي المجراخه بالصوره.. خخخ

اخر مرحله هي الطحن بخلاط العصير او اي خلاط متوفر.. و التقديم