عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
صبآح // مسآء الرضى والعآفيه ..~
بنات أنا محتاره ومحتاجه مشورتكم بأسرع وقت …..
أنا حالياً في النفاس واليوم لي 27 تقريباً يعني باقي لي أسبوعين بالتمام وأخلص الأربعين ..
اليوم زوجي قال لي الأربعاء الجاي يعني بعد خمس أيام ترجعين البيت إذا أهلك بيجون أو أنا جيت وأخذتك بس أنتي جهزي أغراضك (( طبعاً أهلي بديره وبيتي بديره ثانيه )) .. أنا أنصدمت توني مااستعديت لا نفسياً ولآ جسدياً ولا حطيت ببالي أرجع قبل أسبوع بس أستغليت الفرصه إن أهلي عندهم مناسبه بيحضرونها وقلت بروح معهم وأستغل هاليوم وآخذ خدامة أهلي وأنظف بيتي عشان لما أرجع يخف الشغل لانو بيكون معي نونو ومدري وش بيكون وضعي …
قلت لأختي الكبيره وهاوشتني قالت قولي له لا مابي انا قلت له قال يعني مااشتقتي لي ومن هالكلام ولما قلت الا بس ودي اكمل عند اهلي قال مافيك الا العافيه ارجعي بس وكأن نفسه بدت تشيييين وانا ماودي ارجع بيتي بنهاية الاربعين وهو زعلان او شايل بخاطره علي 
وهالشي مضيق صدري لايكون له مضاعفات بعد النفاس وبعد توني مااخذت مانع وقلت له هالكلام قال انا مو مستعجل على شي بس ابيك عندي بالبيت بيتك أشتاق لك خلآآآآآص
وبيني وبينكم ودي اغير بشكلي شوي بقص وأصبغ ويبي لي اخذ حمام او صنفره للجسم وشيل شعر وهمممم وش كثره ولا سويت ولاااااااااااااا شي وزياده الناس هالأسبوع كثرو مو مثل اول الوقت يعني فشيله اذا رحت وانا توني بكريه يعني لا عيال يدرسون ولا شي وغير كذا شلون بعدل بعمري معد فيه وقت 
