عالم البنات النسائي كل ما يخص المرأة العربية من ازياء وجمال والحياة الزوجية والمطبخ
وأنا سهرانة .. ومش عندى نوم .. شطحت بخيالى شطحة جهنمية هلامية مهلبية:D
..ليه ميكونش في جمعية للمتأخرات فى الحمل أو اللاتى لم ينجبن.. جمعية.. يعنى ليها مقر وترخيص وأهداف و أنشطة.. طب فكروامعايا كدة .. لو فى مكان نتقابل فيه نحكى مشاكلنا وجها لوجه.. وكلنا أصدقاء وقلبنا على قلب بعض.. 😆 hy:
أول أهداف الجمعية : عمل إعلان فى التليفزيون يوعى الناس إن المتأخرة فى الحمل ليست إمرأة ناقصة 😆 🙄 .. وبلاش كل أما نشوفها فى أى مناسبة نقعد نسمعها كلام ملوش لزمة من أمثال : عقبالك.. ربنا يعوض عليكى …إللى عايز يدعى لها يا جماعة يدعيلها فى سره وفى صلاته لو هو فعلا صادق فى الدعوة.. مش الموضوع يبقى مجرد من لوازم المجاملة والنفاق الإجتماعى .. التنهيدة .. يا عينى .. ربنا يعوض عليكى 😐 🙂
ثانيا : تعريف بعضنا البعض بالدكاترة الشاطرين .. والبعد عن ومحاربة تجار الطب:P .. وتهديدهم إنهم لو مبطلوش متاجرة فى أجسامنا ومشاعرنا إحنا هنتكلم عن عمايلهم فى الجرايد. 💡 💡
ثالثا: لما عضوة فى الجمعية تكون داخلة على حقن مجهرى أو بادئة فى علاج نوحد لها الدعاء بأن يرزقها الله.. ولو واحدة عملت حقن مجهرى أو تلقيح صناعى ومحتاجة راحة .. تتطوع عضوات الجمعية كل يوم بزيارتها وخدمتها والقيام بشئون بيتها 😳 🙁 😆 hy: 😳 😛 :D( طبعا والزوج غير موجود ) إذا كان ليس لها من يخدمها.
رابعا : يكون هناك صندوق تكافل إجتماعى .. تتبرع فيه عضوات الجمعية (كل واحدة باللى تقدر عليه ) لمساعدة العضوات اللاتى لا يستطعن تحمل تكاليف الحقن المجهرى أو العلاجات الأخرى.
خامسا : عمل أنشطة مختلفة مثل تحفيظ القرآن الكريم ، تعليم التطريز , زيارة دور الأيتام والمسنين .
سادسا : اللى ربنا يكرمها وتحمل لازم عضوات الجمعية يقوموا عنها بالمشاوير اللى هى مش تقدر تعملها زى شراء مستلزمات البيبي وتجهيزات السبوع وبعد ما تولد يساعدوها فى كل شئ هى عايزاه.
-بس شفتوا شطحاتى .. واضح ان ال…. مكانتشى متغطية كويس.. الأحسن أروح أنام بدل ما الحالة تشتغل أكتر من كدة ➡ 😆 🙄
__________________
دمتم بحب وفى أمان الله
