عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
انا يا اخوات في هم وحيرة وضيق وهي مقارتني بين خطيببي السابق وخطيبي الحالي وقصتي هي انه لي اسبوع مخطوبة وبصراحة شافني يوم النظرة الشرعية اللي هي كتب الكتاب وبعدها والله يا اخواتي انه ما كلمني ولا حتى اخذ رقم جوالي حتى على الاقل رسالة ما شفت منه وانا بهم وضيق ما يعلم به غير الله يعنى ما اتوقع ان فيه واحد ما يكلم خطيبته وكلمت امي امه وحاولت اتلمح لها انه عادي ان الواحد يكلم خطيبته ولا فيه فايده انا تدرن يا أخوات انا ايش اللي مضايقني انه عكس خطيبي سابقا اللي كنا مع بعض كل الوقت من مكالمات ورسايل وزيارات و كان ما يفارقني لحظة .. انام على صوته واصحى على صوته لكن الحمد لله على كل حال قدر الله وما شاء فعل والله ماقدر اننا نكون لبعض وكل شي بالدنيا قسمة ونصيب وبصراحة كل يوم قاعدة اتحسر على ايامي اللي مضت وكانت اسعد ايام حياتي والله اني اكتب لكن ودموعي على خدي واتمنى يوم واحد يرجع واقوله كل اللي نفسي فيه واللي مضايقني اني الحين قاعده اجهز وبصراحة من دون نفس حتى فستان الزواج اللي كل وحده تحلم فيه مدري كيف راح اختاره
والله ياخوات اني في ضيق وهم ماني قادرة استوعب اني راح اظل شهرين من دون ما اتعرف على الشخص اللي راح يصير زوجي أو على الأقل افهمه وبعد الشهرين يصير زواجنا وبعده اصير انا ووياه في بيت واحد وينقفل علينا غرفة وحده
وانا بحيرة من امري ماني لاقية حل وارجو منكن يا اخوتي انكن تلقن لي حل او تدعن لي الله انه يفرج همي ويكتب لي الخير
