شوفوا ايش صار في حياتي

تكفون ساعدوني ادري كثير كتب هاالعباره وماكنت اتوقع انه حيجي يوم واكتبها مااعرف ابدا منين وايش الي وصلني كذا ليش فجأة تغيرت من إنسانه اجتماعيه الى إنسانه منعزله ترفض الخرجات والجمعات حتى في الاعياد ارفض اخرج وحرمت اولادي من الخروج وربي احاول بس مااقدر ماعاد ابغى اشوف احد لدرجة افكر اروح لطبيب نفسي صرت اوسوس اقول يمكن عين يمكن نفسي بس احس الشي الي مضايقني هي سمنتي فجأة وصل وزني الى التسعين تقريبا ورب البيت حتى لبسي وشكلي اهملته احس اني مو جذابه مع إن اول الكل كان يمدح فيه وزوجي يقول مااتوقع احد بجمالك بس الان عمره ماقالها لاني اهملت كل شي بسبب سمنتي ولا مناسبه حضرتها حتى خطوبة اختي دورت حجه وسويت نفسي تعبانه علشان مااحضر الان تقريبا لي اربع سنوات قطعت الناس وحاولت انحف بس مافي فايده.
كتبت هنا يمكن احد يساعدني لو بدعوة او تنصحني ايش اسوي ………هل فيه امل اتغير ..ارجع زي اول …ترى اهملت في كل شي الي يشوفني الان ابدا مايصدق إنه هذه الي الكل يمدح فيه وربي كأني في الستين ………يارب ساعدني ارجع زي اول علشان اولادي الي ظلمتهم بس والله غصب عني ويعلم الله اني اتمنى اتغير وافرحهم واعوضهم قبل مايذبلوا بسببي وبعدها كيف اغفر لنفسي .انااا مقتنعه اني غلط بس كيف اتغير الله يسعد ويفرج هم كل من يساعدني