شوفوا شقالت لي هالساحره ووشلون قلبت حياتي

السلام عليكم ورحمه الله
فالبدايه ماابغى احد يحكم علي او ياخذ عني تصور غلط قبل مايقرا القصه كامله .. واتمنى اي وحده تقرا قصتي تشور علي وتعتبرني اختها او على الاقل تدعيلي ان الله يهديني ويدلني طريق الصواب ويريح قبل …
انا تزوجت قبل سنه ونص ..ومن اول يوم تزوجت الين اليوم ماتهنيت في زواجي ابد …الحمدلله زوجي انسان اكثر من طيب واحبه حيل ويحبني موت ومو مقصر علي .. لكن كل الهم اللي انا فيه بسبب وحده عرافه تعرضت لي ايام دراستي ..والله يابنات والله اني مارحت ادورها وانها هي اللي طلعت لي وقالت لي الكلام اللي بقوله الحين …
هاذي دكتوره عندنا فالكليه ..الانسانه هاذي اسلوبها مو طبيعي كل البنات يحبونها ويموتون فيها محاضرتها من تبدا الين تنتهي مافيه وحده تطلع صوت وكلنا مركزين ونحترمها ..الانسانه هاذي كانت علاقتنا فيها مره كويسه انا وشلتي …فكنا نقضي اغلب اوقات فراغنا فالكليه معها وفي مكتبها ..الين يوم من الايام كلمتنا عن واحد يبغى يتزوج وقالت لنا فيكم احد يتزوجه!!وقالت لنا مواصفاته…طبعا كلنا اخذ الموضوع باستهتار وضحك وطنشناه..المهم بعد فتره ..كنت عندها لحالي .. وحنا نسولف اخذت ايدي وقالت لي وريني ..شوي قامت قالت لي شوفي انتي راح يتقدم لك واحد من معارفكم اوصافه كيذا وكيذا (اوصاف زوجي الحين) انتبهي توافقي عليه هاذا لو اخذتيه راح تتطلقين منه بسبب امه وخواته!!!!!!!!!!!!!!!
انا مااخذت بكلامها واستغفرت ربي وقلت كذب العرافون ولو صدقوا ماراح اصدقها!!!
وتقدم لي زوجي ووافقت
والله يابنات اني من يوم اخذته ماتهنيت ولا لحظه والسبب….الخوف … وابشركم علاقتي مع امه وخواته زي الزفت وانتوا بكرامه!!!!
والمشكله اللي اشد اني لما كانت علاقتي فيهم كويسه كانوا يسولوفن لي عن زوجه اخوهم الثاني وكيف انهم يكرهونها وانهم حالفين وعازمين انهم يزوجونه عليها هاذا اذا ماطلقوها منه!!!
والله العظيم يابنات من اخذته ماعرفت طعم الراحه ولا تهنيت في حبي له مع العلم اني كنت احبه من قبل اخذه .. لا واللي مخوفني زياده ان شخصيته مع امه مرررره ضعيفه ومايقدر يقولها وز!!
بس فيه شي مشككني وضروري تعرفونه …
الدكتوره هاذي بعد ماقالت لي هالكلام قالت لي انتي راح تتزوجين واحد غيره انتي راح تاخذين واحد مواصفاته كيذا وكيذا وكيذا ..نفس مواصفات الشاب اللي عرضته علينا انا وصديقاتي وقالت لي المفروض انك لقيتيه ادخلي شات وربي بيسخركم لبعض وبتلتقون…بس انتي ايش تدخلين شات وبعدين لازم نكك يكون مميز..ادخلي الشات الفلاني بالنك الفلاني وراح تشوفين كلامي والله راح تشوفين!!!
اقسم بالله يابنات اني دخلت فقط من باب الفضول وابغى اشوف كلامها وفعلا لقيته..
انا هاذي النقطه اللي شككتني
احيانا احس السالفه متفق عليها .. واحيانا ارجع افكر اقول اوكي ممكن متفق عليها بس هي بعد وش دراها انه راح يصير بيني وبين اهل زوجي مشاكل!!!واحيانا اقول ممكن انها عرفت انه راح يصير بيني وبين اهل زوجي مشاكل لكنها كبرت الموضع عشان مااوافق عليه وامشي على خطتها ..
والله ماعااااااد ارتحت يابنات ..لدرجه اني صارحت زوجي فالموضوع وقالي لي حرام عليك تصدقينها وانا والله مااخليك لو يصير اللي يصير …. بس والله العظيم مو قادره انا كل مااحبه اكثر كل مايزيد الهم في قلبي
وكل مااشوفه طيب وحلو معي يعورني قلبي وربي انقلبت حياتي جحيم
تخيلوا سنه ونص وانا على هالحال!!!
ماادري وش حطيت نفسي فيه نادمه موت اني مشيت على كلامها ودخلت الشات ودورته
واحيانا اقول مو ذنبي انا مادورتها هي اللي جاتني
واحيانا اصدقها عسى ربي يسامحني … وربي الحيره ذبحتني ماعاد ذقت طعم الراحه انتوا وش رايكم بامانه والله العظيم قلبي معورني ❗
انا اسفه ع الاطاله بس قد مااقدر حاولت اختصر
انتظركم خواتي 😥