شوفوا طوارئ فقيه ايش سوا فيا :(

السلام عليكم …

أول بقولكم قصتي من البداية أنا أتأخرت عليا الدورة شهرين طيب ؟؟

واحلل بالبيت مايبان الين واحد تحليل تركتوا فترة ورجعتلوا لقيت خط خفيف خليت وزي يجبلي تاني وحللت اليوم التاني مافي شي وسبحان الله أحس بأعراض الحمل ..

المهم قالتلي ماما يابنتي فكي نفسك وسوي تحليل دم عملتوا وطلعت حامل 💡

رحت لمستوصف وحده هنا دلتني عليه الين الاقي موعد في الاطباء يعني اتطمن على نفسي قالتلي لا انتيحملك صغير والكيس مابين حملك تلات اسابيع وادتني حامض الفوليك وكانت عندي امغاص زي الدورة ادتني مسكن بس خفت وما استخدمتوا ..

الموهيم بعدها بيومين نزل عليا د وردي وبعدين شويا سار زي الدورة وبعدين رجع وردي بس لمن ادخل الحمام الله يعزكم يعني مو ينزل كيدا ..

الموهيم حماتي طلعت بسرعه حتى جوزي كان مو موود وروحنا على طوارئ فقيه 😆 🙄

جات الدكتورة قلتلها ووريتها الاتراساوند قالت وريني الدم قتلها مابينزل الا في الحملم يعني مو كيدا ..

قالت طيب اعملك اتراساوند وتحليل دم هرموني الين كيد كويس ..

عملولي الاتنين طبعن الاتراساوند الكبير ادق شي في الحياة تبع الاتراساوند قل خلاص مافي بي بي

قلت الحمدلله على كل حال طلعت للدكتورة قالت والله التراساوند بيبين انو في بقايا جنين انتي كم ليكي ماجاتك الدورة قتلها قالت اها يعني حامل في 8اسابيع !!!

خليني اكشف عليكي وكشفت قالت يو الرحم مقفول عندك خيارين ياعملية تنظيف يا ابرة ودوا قلت لا طبعن ابرة ودوا وهيا اصلن قالت احسن لاني مابا اعرضك لعملية دحين في دا الوقت ..

المهم اصلن حتى لمن كشفت والله في اطراف يدها شي بسييييط جدن لايذكر دم ..

ادتني الابرة وكتبت الدوا ومن يوم ما احدت الابرة وانا يالله امشي ودخلت السياره وقمت استفرغ استفرغ وانا مافبطني حاجه واحس الدنيا تدوووووووووور فيني شي مو طبيعي والله ..

ورجعت عند ماما واليوم التاني اخدت الدوا ونفس الحاله انواع الهواااااااااع والدوخه بس اخدوا اترمي وكمان ادتني مضاد 500 مرتين باليوم ماما تقول ايش دا جسمك مايتحمل دا كلو ..

اخدتو بس ماكملتو والداو كان 3مرات باليوم خليتو مرتين وقمت اخد رشاد وعسل حضرمي وقرفه وماينزل مني الا نادرا ولو مسحت لون بس !!!

وانا خايفا من انو يسولي عملية رحت السبت الأطباء لانو نفسي مدري ليه قافله من فقيه عملتلي الدكتورة الاتراساوند قالت قبلو ماحيخرجوك الا هيا بقايا خفيفه ومدام ماعندك مغص قوي ولا دم كتير بينزل كويس وبعد ماعملتو قالت وه دا كيس الحمل موجود !!!

قالت على كيدا تنظيف بس اول اعملي الاتراساوند الكبير قتلها طيب رحمي مقفول قالت انا مستعجبة كيف رحمك مقفول وتديك دا الداو الي يقفل الرحم !!

اليوم الي بعدو عملت الاتراساوند بتقلي كيس الحمل سليم خلينا نعمل المهبلي عملت المهبلي قالتلي انتي سقطتي ؟؟؟؟؟؟؟؟؟؟؟

قتلها ايوا ..

راحت نادت المسؤوله رئيستها قالتلي حملك 5 أسبايع وممتاز على خمسة اسابيع قتلها بس نزل دم قالتلي غزير مرا قتلها لا قالت طب عادي مرررررا ..

وتقولي صفار البضا مدري ايه مافهمت موجود معناتها المعرف ايه جايا ان اش الله قالت بس جيبي التحليل الهرموني ونحلل تاني ونشوف ازا الهرمون بيتضاعف ولا متوقف بس انا اشوفك حامل وكويس جدن ماشا الله …

بس لمن رجعت البيت نزل عليا لون دم شويا واليوم نزل خيطين دم الله يستر ماعرف هوا من الاتراساوند المهبلي ولا اي ماعرف ..

بس هيا تبا تعملي اياه كل 5 ايام وكمان التحليل وماما تقول لا الضغط حقو هاو الي نزل الدم مين قد جربت ..؟؟

بالله ايش رايكم ؟؟؟؟

ماسبت شي ما اكلتو وبالنهاية حامل !!!