شوفوا معاملة اخوي لبنت اخوي …الله يوفق اللي بتريح بالي..

اخواتي ..
ابدا في الموضوع عندي اخوين الكبير متزوج وعنده عيال وطالع برا البيت وزوجته علاقتنا معها عادية ونعاملها احسن معاملة هي وعيالها ..
اما اخوي الثاني متزوج وعنده بنت وزوجته نعتبرها مثل اختنا وساكنين عندنا وعلا قتنا مررة قويه مع اخوي هذا وزوجته وبنته الصراحةدايم عندنا من تقوم الى ماتنام يعني متعلقين فيها زود وعلى قول المثل القريب من العين قريب من القلب مااعتبرها الا بنتي وغير كذا على اسم امي ونحبها من حب اهلها بس عند اخوي الكبير مانبين شي ولا نفرق بين عيالهم كله علشان المشاكل والغيرة ومع هذا ماسلمنا اخوي الكبير اذا شاف بنت اخوي كنه شايف جني مايحبها ودايم اذا شافها يطردها لا مها وانا اسكت كله خايفة من المشاكل علما بأن زوجة اخوي اللي عندنا اذا شافت عياله تحطهم فوق راسها ودايم اذا شافتهم ماجونا لهم فترة تسال عنهم وتقول لا مهم جيبوهم واصلا حتى عياله صاروا اذا جونا علطول يروحون لزوجة اخوي علشانه معهم طيبة وحتى اذا عندهم مشاوير يحط عياله عندنا بس العيال يروحون ازوجة اخوي الين يجون اهلهم وهو عارف كل شي ويدري عن معاملة اخوي و زوجة اخوي لهم واذا كانوا عندنا اخوي الصغير يدلعهم ويوديهم السوبر ماركت الله يعطيه على نيته هو وزوجته ..
بس تكفون بنات احس اني مقهورة من اللي اشوفه ساعدوني وش اسوي انا مااحب المشاكل ولا اقدر اكلمه هو اقشر بس الصراحة بديت اكره عياله والسبب هو ومعاملته لبنت اخوي الغالية الله لا يحرمنا منها ……………………