شوفوا يابنات ايش سوا فيني السعودي لالماني الي بجده

ياخواتي العزيزات انا حبيت اقولكم عن الي حصل لي في السعودي لالماني بجده عشان ماتوقعوا في نفس تجربتي سواء عندهم واي مستشفى غيره تخيلوا يبنات اني كنت حامل الفتره الي راحت وولدت رابع يوم بعيد الفطر يعني رابع العيد انا كنت اتابع في لاطباء المتحدون عند فاطمه النمر مره كويسه رهيبه وكنت دائما تعملي سونار ومايبين البيبي لانه كل مره يكون متخذ وضعيه ماتبينه مره ضامم رجوله ومره معطيهم ظهره المهم اللين نهايه الشهر الثامن قالتي الدكتوره فاطمه انه بنوته الي في بطنك وانا من اول عندي بنوته حمدت الله وقلت اهم شي انها تكون بصحه اللين اول يوم بلعيد تعبت مره وغامرت وماحبيت اقول لزوجي وثاني يوم زاد التعب واتورم جسمي بذات يدي ورجلي مرررررررررره صاروا يخوفوا الى زوجي وداني المستفى غصبن عني لاطباء المتحدون وطبعا ماكان في الى طوارئ وعملولي فحوصات وتحاليل وطلع عندي زلال بلبول وظعطي مرتفع وسكري كمان مرتفع الى دكتوره الطوارئاتصلت على دكتوري فاطمه النمر وقالت لها لازم تنوميها عندنا عشان نتابع حالتها ممكن يصير لها تسمم حمل لو خرجت وانا لمن قالي زوجي رفضت لانه العيد وابغى انبسط وكمان بنتي صغيره ومحتاجتني روحت البيت وزوجي طبعن وقع خروج على مسؤليته واليوم الي بعده زاد تعبي جدا لدرجه اني صرت ماقدر اتنفس تنفسي صعب مكتومه رحنا لطوائمره تانيه وعملولي كل الفحوصات وقالولي اليوم لازم تولدي لان عندك تسمم حمل بس انه مافي حضانه للبيبي فاضيه عندنا لانه لسه مادخل التاسع ولازم حضانه عشان كدا الدكتوره الناوبه بطوارئ عملتلي تقرير وقالت لي روحي اي مستشفى تاني وخرجنا انا وزوجي ومحنا عارفين وين نروح الى جى على بالنا لالماني ورحنا وياليتنا ماروحنا استقبلوني والحمد لله والدكتوره الي هناك اول ماقرات التقرير قالت لي قيصري رغم انه الرحم كان مفتوح عندي 4 سم زوجي قالها لا حاولي طبيعي اعطيها طلق صناعي اعطتني طلق الساعه 3 بليل وبدا الم واللين الساعه 7 الصباح خلاص كنت اتلم مرررره والمويات نزلت مني وخلاص ماباقي شي على الولاده وكمان الرحم صار عندي 8 سم الى جى دكتور الساعه 9 ونص الصباح وعملي سونار وانا في عز الطلق الى قالي راس البيبي من فوق لازم تدخلي قيصري حالن ودخلوني العمليات وسولوي القيصري طبعن على الساعه 1 وقد خلاص الرحم صار عندي 10 سم وكنت خلاص احس نفسي بموت يعني تعبوني المفروض من بدايتها يسوا لي سونار قبل مايحطولي الطلق مو يخلوني اتعذب مرتين المهم ولدت ولمن صحوني في غرفه لافاقه سالت الممرضات اليفيلافاقه ايش جبت انا قالولي مبروك مدام جبتي ولد سالت 3 مررضات ونفس الكلام مرررررررره فرحت ولمن طلعوني على الغرفه تبعي كان زوجيينتظرني وجى يسلم عليه ويبارك لي وسالني هاه ايش جبتي رغم انه عارفانه بنت بس حبيتاكد قلتله ولد قالي احلفي قاموا الممرضات الي طلعونيقالولي مبروك مدام جابت بيبي بوي فرح زوجي مررررره وعلى طول راح يشوف البيبي ويطمن عليه وطبعا الدكتور الي في الحضانه يتكلم معاه على اساس انه ولد وكمان حطولي ورقه على باب غرفتي مكتوب فيها بيبي بوي وطبعا زوجي وامه ماقصروا من فرحتهم قالوا لناس كلهم وبعد3 ايام لمن صرت كويسه شويه قلت لزوجيابغى اشوف ولدي ونروح وتخلوا نحصل حفاظه البيبي بصدفه مفتوحه وزوجي طالع هناك الى يشوفها بنت الى قالي ماصدقت ونادى ممرضات الحضانه والدكتوره اليهناك مناوبه قالت له الى البيبي تبعكم بنت مو ولد الى قالها وكيف لكم 3 ايام تقلولونا ولد قالت حصل لخبطه واحنا اسفين مرررررررررررره انصدمنا وزوجيمره انقهرالى جابوا مديرالمستشفى وقعدوا يتاسفوا بس ايش يفيد لاسف بعد ماعشمونا حسبي الله عليهم عشان كذا انتبهوا وحتى والله ام زوجي قالت المفروض تسوا تحليل DNA ,عشان تتاكدوا انها بنتكم ممكن يكونوا خدعوكم ومن وقت هذا الموقف حتى لمن اخدت بنتي ماني حاسه اي حنان ناحيتها زي اختها وكمان ممكن عشان كذبوا علينا كرهوني في بنتي حسبي الله عليهم حيوانات