عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته ..
موضوع قرأته بأحد المنتديات و أعجبني و أحببت مشاركتكم فيه و هو بقلم إحدى المتزوجات, ما ابغى أطول عليكم راح اترككم مع الموضوع.
هذى اول مره زوجى يسافر عنى من يوم ماتزوجنا .. وجلست افكر الاسبوعين اللى طافوا وش اسوى .. والحين بقول لكم وش سويت معاه ..
طبعا مع بدايه الاسبوع بديت فى نفسى .. صرت احط خلطه تنعم الجسم مره رهيبه مرتين باليوم .. ورحت يوم الاثنين وصبغت شعرى خصل طلعت ماشاء الله جناااان .. ماقصيته لانه مايحب الشعر قصير .. ويوم الاثنين فى البيت حفيت رجولى وايدى .. وغيرت فى غرفه النوم ترتيبها .. رحت سعد الدين للحلويات وحجزت لنا شيز كيك يموت فيها وانا بعد .. ورحت السوق جبت لى بدله حلوه ناعمه ( قميص وبنطلون .. واخذت قميص نوم لونه خوخى .. واخذت مفرش حق السرير .. واخذت لى عطورات حق الفرش خالتى وصتنى عليهم صج انهم حق العجايز بس بصراحه جابوا مفعول رهيب خخخخ .. ونسيت اقول لكم اخذت بعد شموع صغار 20 حبه .. واخذت شنطه ليه ماادرى بس كان المحل مسوى تخفيضات قلت حق العيد مره وحده .. يوم الثلاثاء رحت تحنيت عند حنايه .. ووجهزت كل شى . ونمت بدرى علشان مااتعب حالى يوم الاربعاء .
يوم الاربعاء الصباح اتصلت عليه واكدت معاه متى بيجى وقال لى على الساعه 10 الصباح .. فطرت كويس .. ورحت اخذت دش عدل قلت لاخوى .. يوصلنى لبيتى .. بدرى .. ومانسيت قلت لامى الله يطول بعمرها تسوى لى ذيك القهوه اللى تعدل الراس ..اول ماوصلت البيت كلمت محل الحلويات علشان يتصلون عليه ويكلمونه علشان يجيب الحلى معاه وهو جاى .. طبعا غيرت غرفه النوم وحطيت المفرش الجديد .. و حطيت العطور اللى وصيتنى عليها و نثرت الشموع ع الارض .. و طفيت الانوار وحطيت موسيقى هادئه .. بعدها لبست البدله الجديده . و تمكيجك كانى رايحه عرس على انه مايحب المكياج الكثير واستشورت الشعر .. ونسيت اقول لكم قميص النوم حطيته على السرير واخذت له بجامه مره حلوه وهديه خلتيهم بعد على السرير ..
وتبخرت وبخرت البيت وطفيت الانوار وارسلت له مسج حلو وقلت له قبل ماتدخل البيت عطنى رنه ..
بعدها مايحتاج اكمل لكم .. ها وش رايكم فينى .. خطيره او لا ؟
صحيح اهي حركات بسيطه بس لها تاثير على الزوج,,
ابى تعليقاتكم ..
