شو بتتمني تمحي من حياتك؟وشو اتعلمتي من التجربة الي حتمحيها؟

مرحبا ياصبايا كيفكن
حابة افتح قلبي والكل يفتح قلبه هون ويحكي وشو اتعلمتي من الموقف هادا أو التجربة هاي؟ 😡
أنا رح أبدأ بخل بالمصاري ..بخل بالعواطف..شكوك..وسوسة…نكد وتعصيب بدون سبب… وغير هيييك
والشي الي اتعلمته من فترة خطبتي هاي انه لازم احمد الله على حالي هلا وانا بنت عزباء يالله شو كنت مصروعة عالزواج والخطبة كنت لما اسمع فلانة انخطبت ابكي وانحرق بدون ماأسأل لمين انخطبت بس انه انخطبت وبس انقهر بس والله يابنات بعد خطبتي للشاب الي كرهني الزواج بشكر الله اني اتعلمت انه انا هلأ بنعمة كبيرة إي نعم احنا العازبات بنعمة كبيرة ومو حاسين فيها والله العظيم اني كنت بفترة الخطبة امثل على البنات اني مبسوطة ومدللة وكله كزب بكزب 😛 وبفترة خطبتي ساروا صحباتي كتير بنات متزوجات ومخطوبات يعترفولي ويشكولي طلعن معظمهن حياتهن جحيم مكبوت ومظاهر كزابة واعترفولي لأني خلص انخطبت وبنظرهم مارح احسدهم عالزوج (عنجد ونعم الصديقات…) والحمدلله انا هلأ بنوته حرة مو مربوطة بذكر 😳 يمارس عليي احكام وعقوبات 😉 😐 😎 لهيك ياصبايا ياعازبات احمدوا الله انتوا بنعمة كبيرة 👿 😛 ➡ وللعلم انا مابعمم عالكل اكيد في متزوجات ومخطوبات متهنيات وفي رجال قد حالهم وبستحقوا الاحترام (بس مو كل شي بيلمع دهب):( والحمدلله على كل شي…
وانتوا ياحلوات شو بتتمنوا تمحوا من حياتكن وشو اتعلمتوا من التجربة الي حتمحوها؟؟ 😳 😈 بستنى مشاركاتكن لنتعلم من بعض ونستفيد ➡