شيء حلو لتفتيح الأماكن الغامقة في الجسم “مضمون “

السلام عليكم ورحمة الله وبركاته

كيفكم يا أحلى فراشات

كل عام وانتو كويسين 😉
من العايدين والفايزين

ماراح أقول لكم كم شيء جربته وقصة حياتي كلها عشان أثبت لكم
حالي من حالكم مابقى شي ماجربته
ولا لاحظت نتيجة 😎

بس في يوم شفت هذا الزيت الرروعة محطوط قدام الغرفة << مو سحر لايروح بالكم بعيد
بس شكلي كنت اخلطه مع الخلطات الخربوطية ➡
وحطيته قدام الغرفة عشان اشيله بس مالله كتب 😉

المهم هذا الزيت مكتوب عليه لتفتيح وصفاء ونقاء ووو الخ
وهو موجود في كل بيت للي يحبو يستعملو الخلطات

حلو وخفيف ومافيه ريحه أبد
أول ما تحطينه صدق بتحسين بشويه دبق بس بعدين بيروح ويخلي يدج رطبة مثل البزران
ومافي داعي أحلف لكم أنتو – ياللي بتجربون – راح تشوفون النتيجة بعيونكم 😆

و هذا الزيت هو …

3

2

1

زيت الجلسرين الشفاف للبشرة

نعم الجلسرين بدون شحمه ولحمه

كل المطلوب منج أنج قبل النوم تاخذين كمية منه يعني أكثر من العادة بحيث انج تغرقين المنطقة المستعصية هههههه
و تفركينه أو تدلكينه اللي تبين بحركات دائرية او مستقيمة مايهم
ونامي نوم العوافي

أنا صراحة جربتها للمفاصل السوداء في اليدين
وتفتح عندي وكنت كل يوم أحطه
تقريباً كل اسبوع راح تلاحظين تفتيح واضح
واستمري لين عاد اللي تبغينه

وانا تفتحت عندي وتركته لأنه ماكان لي مزاج احط او انسى
ولاحظت انها مارجعت غامقة لأني أرطبها لو مرة

و جربتها على الركب برضو تفتح

جربو وان شا الله توصول للنتيجة اللي تبغوها

اذكروا الله وصلو على النبي

الله يحفظكم ويسخر لكم ويرزقكم من واسع فضله
يارب فرج همهم ونفس كربهم وحقق أمانينهم واهدهم للحق يا أكرم الأكرمين