عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
حبيباتي ، ابغا افهم شغلة ، ليش دايما في مجتمعنا السعودي ( المتخلف ) لاحظو انا ما قلت اسلامي قلت سعودي لازم يكون فيه تفرقة بين الولد و البنت ؟؟ليش الولد دايما مفضل و مرغوب و البنت لا ؟؟؟ليش البنت لا غلطت تعتبر فاجرة عاصية خارجة عن القانون و بيكفروها و الولد لا غلط يقولو غلطة طائش ؟؟؟!!!اقرب شي شفته هنا في المنتدى و فيدا القسم ، وحدة من العضوات قاعده تقول انه اخوها يحب وحده و انه يبي يتزوجها و انها كلمت البنت و حست انها محترمة و بنت ناس و خلوقة … الخ و قاعده تقول انه لو هي فعلا كده راح تخطبها لاخوها ، و ردولها العضوات بدعمهن و تشجيعهن لها – لا حضو انه مافي ولا عضوة قالت لها انه البنت مو محترمة عشانها حبت اخوك او الحب حرام و لا شي من دا الكلام – و ما اعرف ايش سار في موضوعها بس انا اتعجبت كتير من الردود !تخيلوا يا بنات لو جات وحده بنت تقول انا حبيت واحد او قلبي مال لواحد ؟؟؟ تلاقيها كل البنات عليها هجوم ، يا قليلة الحيا ما تستحي على وجهك انتي جريئة انتي خنتي ثقة اهلك انتي عاصية انتي مجاهرة بالمعصية انتي قليلة ادب و اهلك اللي فيهم يخطيهم و اخلاقك مو كويسة …. الخ من الكلام اللي يعور القلب ! :(امس صديقتي بتحكيني تقوللي انها تحب واحد و كان وده يتزوجهاو لمن راحت كلمت امها امها زعقت فيها و خاصمتها و قالتلها كلام يعور القلب ، و بعدها بفترة ايش راحت امها قالت لاخوها ؟؟؟قالتله يا حبيبي اذا انت تحب وحدة بنت ترا انا مستعدة اخطبلك هي !!! ، فهي مقهورة و تبكي تقول هو حلال على الاولاد حرام علينا ؟؟؟ تقول انا جيتها طلبت نصحه و ارشادها و ما اقدر اتحمل كلامها الجارح لكن هو عادي ، يقدر يجيها بكل بساطة يقولها احب وحدة بنت يلا روحي اخطبيها لي !!!!!بالله ايش رايكم ؟؟؟ يا بنات الله يسعدكم اللي تجي تتفلسف و تقول عن اخلاق صحبتي او اخلاق اخوها و تسب و تشتم فيها فقط بسبب ( ميلان القلب مع وجود النية الصادقة بالزواج ) راح اقلها حبيبة قلبي الحب بيد من ؟؟؟ من اللي يقلب القلوب كيف يشاء ؟؟؟ من اللي أنشأ و أوجد الحب من الكره ؟؟؟ هل انتي بيدك تحبي انسان/ة او تكرهيه / ا ؟؟؟ ، لمن يميل قلبك لاي انسان/ة من السبب في دا الشي ؟؟؟ الرسول عليه الصلاة و السلام كان يحب السيدة عائشة اكتر من زوجاته كلهم ، و يميل لها اكتر ، مين السبب ؟؟؟؟ و في حال عرف من السبب ، هل انتي لك ذنب او ملامة في هالمشاعر ؟؟؟ انا اقول انه القلوب بيد الرحمن يقلبها كيف يشاء ، ارجوكم ارحمونا من تعليقاتكم الجارحة و من تفرقتكم بين الولد و البنت
